/GHN/ კალენდრების მსოფლიო ასოციაცია ამჟამად მოქმედი გრიგორიანული კალენდრის შეცვლის ინიციატივით გამოდის. ასოციაციის ხელმძღვანელი უეინ რიჩარდსონი აცხადებს, რომ მე-16 საუკუნეში შემოღებული გრიგორიანული კალენდარი, შესაძლოა, 2012 წელს შეიცვალოს.
ასოციაციის მიერ წარმოდგენილია წელიწადის ათვლის ახალი მოდელი. ახალი კალენდარიც 365 დღეს ითვლის, თუმცა ყოველი ახალი წელი, რომელიც იწყება კვირა დღეს, ერთ დამატებით დღეს _ მეორე შაბათს შეიცავს. ასეთი ვითარება სწორედ 2012 წელს იქნება.
გაეროში ამჟამად ექსპერტიზას გადის კიდევ ერთი - ე. წ. სიმეტრიული კალენდარი. ამ კალენდრის იდეა იმაში მდგომარეობს, რომ ყოველი ახალი თვე იწყება ორშაბათს. თებერვალში, მაისში, აგვისტოსა და ნოემბერში 35-35 დღე იქნება. ყველა სხვა თვეში კი _ 28.
ამ კალენდრის მინუსად მიიჩნევა ის გარემოება, რომ 28-დღიანი თვეების შემოღებისას მრავალი ადამიანი დაბადებიდ დღის თარიღს დაკარგავს.