20 სექტემბერს, 10:00 საათზე, საქართველოს ტექნიკური უნივერსიტეტის სააქტო დარბაზში 2-წლიანი პროექტის – “განათლება სამეწარმეო საქმიანობისა და ინოვაციებისთვის” – პირველი ეტაპის საზეიმო დახურვისა და მეორე ეტაპის დაგეგმვა-დაწყებისადმი მიძღვნილი სემინარი ჩატარდება.

2012 წლის სექტემბერში საქართველოს, უკრაინისა და შვედეთის უნივერსიტეტებს შორის შედგა კონსორციუმი უმაღლეს განათლებაში სამეწარმეო საქმიანობისა და ინოვაციების განვითარებისთვის. ორწლიანი პროექტის პირველი ეტაპი წარმატებით განხორციელდა და გამარჯვებულმა სტუდენტებმა გაიარეს სტაჟირება უკრაინისა და შვედეთის წამყვან IT-კომპანიებში.

საქართველოს ტექნიკურ უნივერსიტეტში სემინარზე მოწვეული არიან შვედეთის უნივერსიტეტის წარმომადგენლები, უკრაინელი პარტნიორები, პროექტში მონაწილე სტუდენტები, განათლების სამინისტროსა და საქართველოში არსებული IT-კომპანიების წარმომადგენლები.