საქართველოს ტექნიკური უნივერსიტეტის ბიზნეს-ინჟინერინგის ფაკულტეტის საინჟინრო ეკონომიკის დეპარტამენტი ევროკავშირის პროგრამის ფარგლებში ატარებს ლექციების კურსს თემაზე: "მე-7 ევროპული თანამეგობრობის, მარი კიურის საერთაშორისო კვლევითი პერსონალის გაცვლის პროგრამის ფარგლებში დაფინანსებული პროექტი".
ლექციები, რომელსაც ტარტუს უნივერსიტეტის (ესტონეთი) პროფესორი მატტი რაუდიარვუ ატარებს, 5 მარტს დაიწყო და 7 მარტის ჩათვლით გაგრძელდება. ლექციაზე დასრწების უფლება აქვთ სტუდენტებსა და პროფესორ-მასწავლებლებს, რომლებიც ფლობენ ინგლისურსა და რუსულ ენებს. ლექციები ტარდება სტუ-ის ცენტრალური ბიბლიოთეკის დიდ დარბაზში 16:00 სთ-ზე.

პროექტის თემაა "ეკონომიკური პოლიტიკის საფუძვლები". სტუდენტები მიიღებენ ევროკავშირის ეგიდით სერტიფიკატებს, მაგრამ აუცილებელია დაესწრონ ლექცია-სემინარებს, გაიარონ კონსულტაციები და მოამზადონ რეფერატები, გააკეთონ 8-10-წუთიანი შესაბამისი მოხსენებები და დააგროვონ ჯამში 75 ქულა.