უმაღლესი სასწავლებლების ლიცენზირების პრინციპი უქმდება. ამის შესახებ განათლების სფეროში 2010-2011 წლებში დაგეგმილ რეფორმებზე საუბრისას მთავრობის დღევანდელ სხდომაზე საქართველოს განათლებისა და მეცნიერების მინისტრმა დიმიტრი შაშკინმა განაცხადა.
"ეს იყო ბიუროკრატიული პროცედურა, რომელიც სისტემის განვითარებას ხელს უშლიდა, რადგან ყველაფერი კვადრატული მეტრების დონეზე იყო დაყვანილი. ლიცენზირების პრინციპის გაუქმება კი საშუალებას მოგვცემს, აქამდე ჩრდილში მყოფმა 200-მდე სასწავლებელმა ავტორიზაცია გაიაროს. ჩვენ სწორედ ავტორიზებული სასწავლებლების დიპლომებს ვაღიარებთ", - განაცხადა შაშკინმა.
მისი განმარტებით, აღნიშნულს სასწავლებლების რექტორები დადებითად ხვდებიან.