2010 წლის ოსკარის 82-ე დაჯილდოების ცერემონია კეტრინ ბიგელოუსა და მისი ფილმის "ქარიშხლის მბრძანებლის” ტრიუმფით დასრულდა. ჯეიმს კამერონის ყოფილმა მეუღლემ, კეტრინ ბიგელოუმ, გაიმარჯვა საუკეთესო რეჟისორის ნომინაციაში და გახდა პირველი ქალი, ვინც ამის გაკეთება შეძლო.

ცერემონიის დაწყების წინ ექსპერტები და ჟურნალისტები ფავორიტად ჯეიმს კამერონის "ავატარს" მიიჩნევდნენ. ზოგის აზრით, "ავატარი" ოსკარების რაოდენობით კამერონის გახმაურებულ სურათ "ტიტანიკსაც" კი აჯობებდა. ცნობილი საბუკმეკერო კომპანია "უილიამ ჰილი" "ავატარის" გამარჯვებაზე 1/2 ფსონს აწესებდა, თუმცა როგორც ხშირად ხდება ხოლმე, ოსკარის დაჯილდოების ცერემონია მოულოდნელად წარიმართა.

საუკეთესო ფილმის ნომინაციაში კეტრინ ბიგელოუს "ქარიშხლის მბრძანებელმა" გაიმარჯვა; საუკეთესო რეჟისორი კეტრინ ბიგელოუ გახდა; საუკეთეოსო მსახიობი კაცი - ჯიეფ ბრიჯისი ("გიჟი გული"); საუკეთესო მსახიობი ქალი - სანდრა ბულოკი ("ბნელი მხარე"); კაცის მეორეხარისხოვანი როლის შემსრულებელი - კრისტოფერ ვოლცი ("უსახელო ნაბიჭვრები"); ქალის მეორეხარისხოვანი როლის შემსრულებელი - მონიკი.

მოულოდნელი გამარჯვებული ჰყავს საუკეთესო უცხოური ფიმლის ნომინაციასაც: ევროპის თითქმის ყველა კინოფესტივალის წარმატებით შემოვლის შემდეგ მიხეილ ჰანეკეს "თეთრი საყელო" ოსკარზე დაიწუნეს. გამარჯვება ერგო არგენტინულ სურათს "საიდუმლო შენს თვალებში".