წარმატებულ მოსწავლეებს კერძო სკოლებში სწავლის საშუალება მიეცემათ » News.GTU.ge



«    ოქტომბერი 2019    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 
დაგვიკავშირდით

წარმატებულ მოსწავლეებს კერძო სკოლებში სწავლის საშუალება მიეცემათ სიახლე
5-08-2010, 00:14
ახალი სასწავლო წლიდან ნიჭიერ და წარმატებულ მოსწავლეებს სოციალურად დაუცველი ოჯახებიდან და მოსწავლეებს, რომელთაც სასკოლო ეროვნულ ოლიმპიადებში გაიმარჯვეს, სურვილის შემთხვევაში, შესაძლებლობა ექნებათ უფასოდ ისწავლონ კერძო სკოლებში.

საქართველოს განათლებისა და მეცნიერების მინისტრი დიმიტრი შაშკინი სხვადასხვა საჯარო სკოლის რამდენიმე წარმატებულ მოსწავლესთან და მათ მშობლებთან ერთად, კერძო სკოლა-ლიცეუმ “მწიგნობართუხუცესში“ მივიდა და მოსწავლეებს, დირექტორთან, დავით კახნიაშვილთან ერთად, სკოლის თანამედროვე ინფრასტრუქტურა და სწავლების მეთოდები გააცნო.

ახალ პროექტს საქართველოს განათლებისა და მეცნიერების სამინისტრო ”კერძო სკოლათა ასოციაციასთან” ერთად ახორციელებს. საქართველოში მოქმედი კერძო სკოლებიდან “მწიგნობართუხუცესი“ ერთ-ერთია, რომელიც სამინისტროს ინიციატივას გამოეხმაურა და მზადაა, სექტემბრიდან ამ მოსწავლეებს თავის სკოლაში უფასოდ სწავლის გაგრძელება შესთავაზოს.

შაშკინის განცხადებით, აუცილებელია მუდმივად ხდებოდეს ნიჭიერი ბავშვების წახალისება, ახალი პროექტი სწორედ ასეთ შესაძლებლობას ითვლისწინებს. ამიერიდან კერძო სკოლებში სწავლა მხოლოდ საზოგადოების გარკვეული ნაწილის პრივილეგია არ იქნება და ხელმისაწვდომი გახდება ნიჭიერი, მოტივირებული მოსწავლეებისთვისაც.

მოსწავლეთა შერჩევის პრინციპებზე და მისაღები კონტიგენტის რაოდენობაზე კერძო სკოლებმა თავად მიიღეს გადაწყვეტილება. მინისტრის განცხადებით, საქართველოს მთავრობა და განათლებისა და მეცნიერების სამინისტრო, თავის მხრივ, ხელს შეუწყობენ კერძო სკოლების განვითარებას.
mes.gov.ge
 
 

ასევე:

  • განათლების სამინისტრო ახალ პროექტს იწყებს
  • მინისტრი კერძო სკოლების დირექტორებს შეხვდა
  • განათლების მინისტრმა მანდატურებს სერთიფიკატები გადასცა
  • სპეციალური საგანმანათლებლო საჭიროების მქონე ბავშვებს კომპიუტერები გადასცეს
  • არაქართველი მოსწავლეებისთვის ორენოვანი სახელმძღვანელოები გამოიცა






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge