18 ოქტომბერს საქართველოში ნატოს დღეები იხსნება. კვირეული 23 ოქტომბრამდე გაგრძელდება. ნატოს დღეების ორგანიზატორები არიან საინფორმაციო ცენტრი ნატოს შესახებ და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი.
კვირეულის ფარგლებში გაიმართება შეხვედრები საქართველოს სხვადასხვა ქალაქსა და რაიონში, ასევე უმაღლეს სასწავლებლებსა და სკოლებში. სპეციალურად ნატოს დღეებისთვის თბილისს ოფიციალური ვიზიტით ეწვევიან ალიანსის სახალხო დიპლომატიის სამმართველოს წარმომადგენლები და ნატოს წევრი ქვეყნების ელჩები. კვირეული 18 ოქტომბერს სიღნაღის სახელმწიფო მუზეუმში გაიხსნება და 23 ოქტომბერს ქუთაისში აკაკი წერეთლის უნივერსიტეტში საზეიმო კონცერტით დაიხურება.
