საქართველოს ტექნიკურ უნივერსიტეტში, ახლად რეაბილიტირებულ ცენტრალურ ბიბლიოთეკში, ნატოს საინფორმაციო კუთხე განახლდა. 27 თებერვალს, 13:00 საათზე, საქართველოს ტექნიკური უნივერსიტეტის ადმინისტრაციული კორპუსში, ცენტრალურ ბიბლიოთეკაში, გაიმართა შეხვედრა, სახელმწიფო მინისტრის მოადგილესთან ევროპულ და ევროატლანტიკურ სტრუქტურებში ინტეგრაციის საკითხებში, ელენე ხოშტარიასთან. შეხვედრაზე საუბარი შეეხო ამერიკის შეერთებულ შტატებში დაგეგმილ ჩიკაგოს სამიტის პერსპექტივებს.

სტუდენტებთან დისკუსიისა და საუბრის შემდეგ გაიმართა პროექტ ”როგორ ნატოს” დახურვა და კლიპის პრეზენტაცია, რომელშიც 5 უნივერსიტეტის 120 სტუდენტი მონაწილეობდა. პროექტის ორგანიზატორია “საზოგადოებრივ ინიციატივათა ალიანსი” ფინანსური მხარდამჭერი “სამოქალაქო ინსტიტუციონალიზმის განვითარების ფონდი”.

ღონისძიებას, სხვა სტუმრებთან ერთად დაესწრნენ, სტუ-ის რექტორის მოადგილე სასწავლო დარგში ლევან კლიმიაშვილი, “სამოქალაქო ინსტიტუციონალიზმის განვითარების ფონდის” დირექტორი ლალი ყიფშიძე და ნატოს საინფორმაციო ცენტრის ხელმძღვანელი თენგიზ გოგოტიშვილი.