"Apple"-ის სუფთა მოგებამ 2010 წლის მეოთხე კვარტალში რეკორდულად მაღალ თანხას, 4.3 მილიარდ დოლარს მიაღწია. ამის შესახებ კომპანიის ოფიციალური საიტი იუწყება. წინა წლის ანალოგიურ პერიოდთან შედარებით, მოგება 2 მილიარდი დოლარითაა გაზრდილი.

"Apple"-ის მოგებამ 20 მილიარდ დოლარს გადააჭარბა, რაც ასევე რეკორდია. კომპანიის ფინანსურ ანგარიშში ნათქვამია, რომ წინა წელთან შედარებით Apple-მა 91%-ით მეტი iPhone-ის გაყიდვა შეძლო. ამ წელს კომპანიამ 14,1 მილიონი iPhone-ის ტელეფონი გაყიდა.

ეს ფინანსური შედეგები Mac კომპიუტერების განსხვავებული მოდელების რეალიზაციითაც აიხსნება. წელს Apple-მა მთლიანობაში 3.89 მილიონი Mac კომპიუტერი გაყიდა, რაც წინა წელთან შედარებით 27%-ით მეტია. კომპანიის ერთადერთი პროდუქცია, რომლის გაყიდვები შემცირდა, მუსიკალური ფლეიერი iPod-ია.

Apple-ის დირექტორმა სტივ ჯობსმა განაცხადა, რომ მისმა კომპანიამ გაყიდვებში Blackberry-ის მწარმოებელ კომპანიასაც გადაუსწრო. მან ასევე აღნიშნა, რომ Apple-ს წლის ბოლომდე რამდენიმე სურპრიზი კიდევ აქვს შემონახული.