დღეს ბათუმში "სიყვარულის" ქანდაკება გაიხსნება. ქალისა და მამაკაცის მოძრავი ქანდაკება სანაპიროზე, ქალაქის შემოსასვლელში დგას.

7-მეტრიანი სკულპტურა 8-10 წუთის ინტერვალით მოძრაობს. მისი ავტორი მხატვარი თამარ კვესიტაძეა.

სკულპტურა მუდმივი მოძრაობის, სიყვარულისა და ერთიანობის გამომხატველია და 2007 წელს ვენეციის ბიენალეზე მოწონება დაიმსახურა.

მონუმენტის მცირე მოდელი უკვე წარდგენილი იყო ევროპის და აშშ-ის სხვადასხვა გამოფენაზე და ექსპერტებისაგან მაღალი შეფასება მიიღო.

"სიყვარულის" ქანდაკებისათვის ბიუჯეტიდან 2 მლნ. 400 ათასი ლარი დაიხარჯა. მონუმენტი ფოლადის მასალისგანაა დამზადებული.