საქართველოს განათლებისა და მეცნიერების სამინისტროს განათლების ხარისხის განვითარების ეროვნული ცენტრის წარმომადგენლებმა შეზღუდული შესაძლებლობის მქონე პირთა ცენტრ ”თანადგომის” ბინადრებს ნათლისღების დღესასწაული მიულოცეს. ამის შესახებ ინფორმაციას საქართველოს განათლებისა და მეცნიერების სამინისტროს პრესსამსახური ავრცელებს.
მათი ინფორმაციით, საქართველოს განათლებისა და მეცნიერების სამინისტროს განათლების ხარისხის განვითარების ეროვნული ცენტრის დირექტორმა ცენტრში მყოფ 23 სმენადაქვეითებულ ახალგაზრდას საჩუქრები გადასცა. დავით კერესელიძემ მათ ტკბილეული და თექაზე სამუშაო მასალა დაურიგა.
”თანადგომაში” მომუშავე ახალგაზრდები თექისაგან და სხვა მასალისგან დეკორატიულ ნივთებსა და აქსესუარებს აკეთებენ. სმენადაქვეითებული პირების მიერ ”თანადგომაში” გაკეთებული სუვენირები საქველმოქმედო ღონისძიებებზე იყიდება და ამით ამ ახალგაზრდებს გარკვეული შემოსავალი აქვთ.
