20-22 მაისს საქართველოს ტექნიკური უნივერსიტეტი ატარებს საერთაშორისო სამეცნიერო-ტექნიკურ კონფერენციას “მართვის ავტომატიზებული სისტემები და თანამედროვე საინფორმაციო ტექნოლოგიები”, რომელიც ეძღვნება სტუ-ის მართვის ავტომატიზებული სისტემების კათედრის დაარსების საიუბილეო მე-40 წლისთავს და მისი დამაარსებლების, საქართველოს მეცნიერებათა ეროვნული აკადემიის აკადემიკოს გოჩა ჩოგოვაძის და წევრ-კორესპონდენტის გიორგი გოგიჩაიშვილის დაბადების 70-ე წლისთავს.

კონფერენციის მუშაობის ფორმებია დასწრებული და დისტანციური მონაწილეობა (ტელეკონფერენცია) და დისკუსიებში მონაწილეობა. კონფერენციის სამუშაო ენებია ქართული, ინგლისური, რუსული.