18 აპრილი ძეგლებისა და ისტორიული ადგილების საერთაშორისო დღეა » News.GTU.ge



«    მარტი 2024    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
დაგვიკავშირდით

18 აპრილი ძეგლებისა და ისტორიული ადგილების საერთაშორისო დღეა კულტურა, სპორტი
18-04-2011, 00:17
18 აპრილი ძეგლებისა და ისტორიული ადგილების საერთაშორისო დღეა. ძეგლებისა და ისტორიული ადგილების საერთაშორისო დღე 1983 წელს იუნესკოსა და იკომოსის გადაწყვეტილებით დაწესდა და მას მთელ მსოფლიოში 1984 წლიდან აღნიშნავენ.

კულტურული მემკვიდრეობის დაცვის ეროვნული სააგენტოს გენერალური დირექტორი ნიკოლოზ ვაჩეიშვილი კულტურული მემკვიდრეობის სფეროს სპეციალისტებთან და სტუდენტებთან ერთად, სამთავისის საეპისკოპოსო სასახლეში აღმოჩენილ დიდი ქართველი ხუროთმოძღვრის ილარიონ ვაჩეს ძე ყანჩაველის საფლავს მოინახულებს.

სპეციალისტები შეაფასებენ, სტუდენტები კი გაეცნობიან უკანასკნელ წლებში სამთავისის საეპისკოპოსო ტაძარში განხორციელებულ სარესტავრაციო და საკონსერვაციო სამუშაოს.

სამთავისის გუმბათიანი საეპისკოპოსო ტაძარი სამთავნელმა ეპისკოპოსმა ილარიონ ვაჩეს ძე ყანჩაელმა 1030 წელს აშენა. წარწერებიდან ირკვევა, რომ თავად ილარიონია ტაძრის მაშენებელი. ქართველ ხუროთმოძღვართაგან ჩვენამდე მხოლოდ ილარიონ ყანჩაელის საფლავმა მოაღწია დღემდე. ჯერჯერობით სხვა ქართველ ოსტატთა საფლავები უცნობია.

ილარიონი გარდაიცვალა 1056 წელს და დაიკრძალა საგანგებოს აგებულ ეკვდერში, რომელიც სამთავისის ტაძარს სამხრეთიდან ჰქონდა მიდგმული. წარწერა, რომელშიც მოხსენიებული იყო ილარიონის გარდაცვალების თარიღი, 1056 წელი, მარი ბროსემ 1848 წელს წაიკითხა, შემდეგ ეს წაკითხვა ჩაასწორა თედო ჟორდანიამ. წარწერა ამოკვეთილი იყო სამთავისის ტაძრის სამხრეთი მინაშენის ინტერიერში, გუმბათოვანი ტაძრის სამხრეთ კედელზე.

მე-19 საუკუნის 40-50-იან წლებში სამთავისის ტაძარს ჩაუტარდა დიდი სარემონტო სამუშაო, რომელსაც არქიტექტორი ქსავიე რიპარდი ახორციელებდა. ამ არქიტექტორის გადაწყვეტილებით მოინგრა ტაძრის დაზიანებული მინაშენები. ამ დროს დაინგრა ილარიონ სამთავნელის ეკვდერი და კედლიდან მოშალეს 1056 წლით დათარიღებული წარწერაც.

2009 წელს არქეოლოგიური სამუშაოს დროს, როდესაც სამთავისის სამნავიანი ადრე შუასაუკუნეების ბაზილიკის ჩრდილოეთი ნავის დასავლეთ მონაკვეთი ითხრებოდა, გადაწყდა ილარიონ სამთავნელის ეკვდერის საძირკვლის მოშლაც, რადგან მას აღარც მხატვრული და არც ფუნქციური დატვირთვა ჰქონდა. შედეგად მთლიანად გამოვლინდა ბაზილიკის ჩრდილოეთი კედელი. გათხრების შედეგად კი ბაზილიკის კედელში აღმოჩნდა ერთი საფლავი, რომელიც რიპარდის მიერ მონგრეული ეკვდერის იატაკში იქნებოდა მოწყობილი, ეს საფლავი სწორედ ილარიონ სამთავნელ ეპისკოპოსის განსასვენებელი უნდა იყოს.
 
 

ასევე:

  • ხელოვნების სასახლეში გამოფენა "ქართული კვალი კავკასიაში" გაიხსნა
  • "იუნესკო" ბაგრატის ტაძრის სამუშაოს მონიტორინგს იწყებს
  • ბაგრატის ტაძრის სეისმომედეგობას რკინა-ბეტონი უზრუნველყოფს
  • ბაგრატის ტაძრის აღდგენისთვის 2 მლნ ლარი გამოიყოფა
  • ხობის ღვთისმშობლის სახელობის ტაძარში უნიკალური აღმოჩენა გაკეთდა






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge