|
2-05-2011, 00:49
დღეს, 2 მაისს, კულტურული მემკვიდრეობის დღის აღსანიშნავად, გაიხსნება კვირეული "აფხაზეთის სულიერი მემკვიდრეობა - ქართული სალოცავები".
კვირეულის ფარგლებში მოეწყობა გამოფენა, სადაც წარმოდგენილი იქნება ქართული ხუროთმოძღვრული ძეგლების ამსახველი ფოტოები, ხოლო საკონფერენციო თემები მიეძღვნება თანამედროვე აფხაზეთის ტერიტორიაზე ქართული მატერიალური ძეგლების დაცვის სამართლებრივ ასპექტებს, შუა საუკუნეების აფხაზეთის წერილობით კულტურას, ტრადიციებს, რიტუალებს და აფხაზეთში არსებულ ქართულ ხუროთმოძღვრულ ძეგლებს.
ღონისძიება საქართველოს კულტურული მემკვიდრეობის დაცვის ეროვნული სააგენტოსა და აფხაზეთის ავტონომიური რესპუბლიკის იუსტიციის დეპარტამენტის ორგანიზებით ხორციელდება.
შეგახსენებთ, რომ მაისის პირველი კვირა კულტურული მემკვიდრეობის დღედ გასულ წელს პრეზიდენტის ბრძანებულებით დაწესდა.
ghn |
|
