|
15-06-2011, 00:10
15 ივნისს, 11:00 საათზე, საქართველოს ეკონომიკისა და მდგრადი განვითარების სამინისტროში სამინისტროსა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმს მოეწერება ხელი. მემორანდუმს ხელს მოაწერენ მინისტრის მოადგილე გიორგი კარბელაშვილი და სტუ-ის რექტორი არჩილ ფრანგიშვილი.
შეთანხმების თანახმად, მხარეები მოაწყობენ ერთობლივ თემატურ სამუშაო შეხვედრებს, სემინარებს, კონფერენციებსა დასიმპოზიუმებს; განახორციელებენ სხვადასხვა სახის სასწავლო-საგანმანათლებლო პროექტებს, რომლებიც მიმართული იქნება სტუდენტებისა და ახალგაზრდა სპეციალისტების პროფესიული ზრდის, მათი დასაქმების, საერთაშორისო თანამედროვე ტექნოლოგიებისა და მოთხოვნების დანერგვის, სახელმწიფო სტრუქტურების და სამეცნიერო წრეების თანამშრომლობისკენ. |
|
