გამოცდების ეროვნულმა ცენტრმა 2011 წლის ერთიანი ეროვნულ გამოცდებზე პირველადი ჩარიცხვების შემდეგ დარჩენილი ვაკანტური ადგილების ჩამონათვალი გამოაქვეყნა.

ცენტრის ოფიციალურ ვებგვერდზე ( http://www.naec.ge/images/doc/EXAMS/2011-exams-darchenili-adgilebi-akad.pdf ) აკადემიურ და პროფესიულ საგანმანათლებლო და ქართულ ენაში მომზადების საგანმანათლებლო პროგრამებზე არსებული დარჩენილი და დამატებითი ადგილების რაოდენობა არის განთავსებული. განმეორებითი განაცხადების მიღება 5 სექტემბრის ჩათვლით გაგრძელდება. მეორადი ჩარიცხვებისათვის განაცხადების შეტანა აბიტურიენტებს თბილისში ტექნიკური უნივერსიტეტის მე-6 კორპუსში, რეგიონებში კი საგანმანათლებლო რესურსცენტრებში შეეძლებათ.

გამოცდების ეროვნული ცენტრის ინფორმაციით, ერთიან ეროვნულ გამოცდებზე 34 000-მდე აბიტურიენტი აბარებდა, რომელთაგან 22 236 მისთვის სასურველ აკადემიურ პროგრამებზე ჩაირიცხა. მეორადი ჩარიცხვისათვის განაცხადის შეტანის უფლება კი 10 000-მა აბიტურიენტმა მოიპოვა.

განმეორებითი განაცხადის შეტანის საშუალება ექნებათ აბიტურიენტებს, რომლებიც მის მიერ მითითებულ ვერცერთ პროგრამაზე ვერ ჩაირიცხნენ და მინიმალური კომპეტენციის ზღვარი აკადემიური პროგრამისათვის მოთხოვნილ 4 გამოცდაში, უმაღლესი პროფესიული პროგრამებისათვის – ზოგად უნარებში, ხოლო ქართული ენის მოსამზადებელ პროგრამაზე – შესაბამის ენაზე ზოგად უნარებში გადალახეს.