მსოფლიოში Facebook-ის მომხმარებელთა როდენობა 750 მილიონს აღწევს. სოციალური ქსელის მომხმარებელთა შორის პირველ ადგილზე აშშ-ია - 154 მლნ. 923 ათას 900 მომხმარებელი, იუწყება Facebakers-ი.

მეორე ადგილზეა ინდონეზია (40 მლნ. 139 ათას 480), მესამეზე - ინდოეთი (35 მლნ. 164 ათას 880), მეოთხეზე - თურქეთი (30 მლნ. 422 ათას 80), ხოლო მეხუთე ადგილზე დიდი ბრიტანეთია (30 მლნ. 40 ათას 200).

Facebook-ის მომხმარებელთა რეიტინგში საქართველო 88-ე ადგილზეა, სოციალურ ქსელს ქვეყანაში 622 ათას 80 მომხმარებელი ჰყავს.

აღსანიშნავია, რომ ბოლო პერიოდში, საქართველოში Facebook-ის მომხმარებელთა რაოდენობა 12 ათას 120-ით შემცირდა.

რეგიონის ქვეყნებიდან, აზერბაიჯანი 93-ე ადგილზეა, სადაც სოციალური ქსელით 460 ათას 220 მომხმარებელი სარგებლობს. თუმცა უნდა აღინიშნოს, რომ ბოლო პერიოდში მომხმარებელთა რაოდენობა აქ 5 %-ით გაიზარდა. რაც შეეხება სომხეთს, ის 116-ე ადგილზეა. სომხეთში სოციალური ქსელით 201 ათას 20 ადამიანი სარგებლობს. თუმცა მომხმარებელთა ზრდის დინამიკა აქ 6 %-ს შეადგენს.
ghn.ge