კომპანია Google თავისი კონკურენტის, სოციალურ ქსელ Facebook-ის ნეიტრალიზაციის მიზნით, ახალ პროექტს ამზადებს. ამის შესახებ ინფორმაციას Financial Times-ი ავრცელებს. ცნობილია, რომ Facebook -მა მობილური ინტერნეტის მომხმარებელთა შორის პოპულარობით გაუსწრო Google-ს.
ძიების სისტემის გიგანტი გეგმავს მომხმარებელს წარმოუდგინოს Gmail-ის სრულყოფილი ფოსტა, რომელიც ძირითადი მახასიათებლებით Facebook-ს არ ჩამორჩება.
თუმცა ექსპერტები მაინც მიიჩნევენ, რომ რაც არ უნდა გააკეთოს Google-მა Gmail-თან ერთად, ყოველი ნაბიჯი მხოლოდ “თავდაცვითი” მანევრი იქნება მზარდი კონკურენციის პირობებში.