24-26 თებერვალს თბილისში, ბილიარდის კლუბ "რიოში", ჩატარდა საქართველოს სტუდენტური ჩემპიონატი ბილიარდში, პულში, სახეობა რვიანში. ტურნირის ორგანიზატორები იყვნენ საქართველოს საუნივერსიტეტო სპორტის ფედერაცია, ბილიარდის ეროვნული ფედერაცია, სპორტისა და ახალგაზრდობის საქმეთა სამინისტრო.

შეჯიბრებაში მონაწილეობდა 20 უმაღლესი სასწავლებლის 50-მდე სტუდენტი. ვაჟებში ჩემპიონი გახდა გივი ძებნიაური (საქართველოს ტექნიკური უნივერსიტეტი), ხოლო გოგონებში - ეკა თორაძე (საქრთველოს უნივერსიტეტი).

გამარჯვებულები და პრიზიორები დაჯილდოვდნენ შესაბამისი ხარისხის დიპლომებით, მედლებით, თასებითა და ფასიანი საჩუქრებით.