ხვალ, 6 აგვისტოს, გაიხსნება "ქართულ-გერმანული სკოლა-სემინარი ფუნდამენტურ მეცნიერებებში" გაიმართება. ღონისძიება, რომელიც საქართველოს ტექნიკური უნივერსიტეტის, ივანე ჯავახიშვილის სახელობის თბილისის სახელმწიფო უნივერსიტეტისა და იულიხის (გერმანია) კვლევითა ცენტრის ერთობლივი ორგანიზებით ეწყობა, ხვალ თსუ-ში გაიხსნება.

წლევანდელი ღონისძიება გაფართოებული ფორმატით ტარდება. თსუ სკოლა-სემინარს 6-7 აგვისტოს უმასპინძლებს; ღონისძიება 9-10 აგვისტოს სტუ-ში გაგრძელდება; 13-17 აგვისტოს კი, სემინარი "საზაფხულო სკოლის" სახით გადაინაცვლებს ბათუმში, რომლის მასპინძლობასაც ბათუმის შოთა რუსთაველის სახელმწიფო უნივერსიტეტი გასწევს.

"ქართულ-გერმანული სკოლა-სემინარი ფუნდამენტურ მეცნიერებებში" უკვე მეხუთედ ტარდება და მას საფუძველი 2004 წელს თსუ-ს მაღალი ენერგიების ფიზიკის ინსტიტუტისა და გერმანიის ქ. იულიხის კვლევათა ცენტრის ბირთვული ფიზიკის ინსტიტუტის მრავალწლიანი თანამშრომლობის შედეგად ჩაეყარა. სკოლა-სემინარი ყოველ მეორე წელს ტარდება.