საერთო სამაგისტრო გამოცდის შედეგები ცნობილია. წელს 4852 აპლიკანტმა შეძლო მინიმალური კომპეტენციის ზღვრის გადალახვა და საშუალება აქვს სასურველ უნივერსიტეტში შიდა გამოცდები ჩააბაროს. ამის შესახებ ინფორმაციას გამოცდების ეროვნული ცენტრი აქვეყნებს.

2012 წელს საერთო სამაგისტრო გამოცდაზე 7564 სტუდენტი დარეგისტრირდა. გამოცდაზე არ გამოცხადდა მხოლოდ 7%. აპელაციაზე განაცხადი შემოიტანა 111 მაგისტრანტობის მსურველმა, ქულა შეეცვალა 16 აპლიკანტს.

საერთო სამაგისტრო გამოცდა 2009 წლიდან ტარდება. საერთო სამაგისტრო გამოცდის მიზანია: დაეხმაროს უმაღლეს სასწავლებლებს მაგისტრანტების შერჩევაში, გამორიცხოს მაგისტრატურაში ისეთი სტუდენტების მიღება, რომლებიც ვერ აკმაყოფილებენ სწავლების ამ საფეხურისათვის აუცილებელ მოთხოვნებს, უზრუნველყოს მაგისტრატურაში ჩარიცხვის პროცესის მეტი ობიექტურობა და გამჭვირვალობა.

გამოცდის წარმატებით ჩასაბარებლად საჭიროა მაგისტრანტობის მსურველმა 4 ტესტური ნაწილიდან სამში მაინც გადალახოს მინიმალური კომპეტენციის ზღვარი.

მაგისტრების დასაფინანსებლად სახელმწიფო ბიუჯეტიდან 2 000 000 ლარია გამოყოფილი.
naec.ge