11 დეკემბერს 15:00 საათზე, საქართველოს ტექნიკურ უნივერსიტეტში (შეხვედრების ოთახი) ჩატარდება პრეზენტაცია, რომელიც ეხება ერასმუს მუნდუსის პროექტის EMINENCE სამაგისტრო და სადოქტორო გაცვლითი პროგრამებს. პრეზენტაციას გამართავს Erasmus Student Network. დამსწრეები გაეცნობიან პროგრამის ძირითად მოთხოვნებსა და მიმართულებებს და საჭიროების შემთხვევაში, მიიღებენ შესაბამის კონსულტაციებს.

პრეზენტაციაზე, ასევე, მოხდება გაცვლითი პროგრამების ახალი ვებ-გვერდის წარდგენა, სადაც შესაძლებელია მიიღოთ უახლესი ინფორმაცია გაცვლით პროგრამებთან დაკავშირებით, რომელთაგან რამდენიმეზე საბუთების მიღება უკვე მიმდინარეობს.