27 დეკემბერს, 16:00 საათზე საქართველოს კულტურისა და ძეგლთა დაცვის სამინისტროში გაიმართება მეექვსე მრგვალი მაგიდა ქართული კინოს განვითარების გეგმებისა და პრიორიტეტების შესახებ.

შეხვედრას დაესწრებიან ქართული კინემატოგრაფიის წარმომადგენლები, საქართველოს კულტურისა და ძეგლთა დაცვის მინისტრი გურამ ოდიშარია, მინისტრის მოადგილეები ალექსანდრე მარგიშვილი და მარინე მიზანდარი, კულტურის სამინისტროს მრჩეველთა საბჭოს წევრები გიორგი გეგეჭკორი, მანანა ბერიკაშვილი, ბადრი ბაგრატიონ-გრუზინსკი, ქარუმ წერეთელი და ლევან ერისთავი, საქართველოს კინემატოგრაფიის ეროვნული ცენტრის დირექტორი თამარ ტატიშვილი, კინოცენტრის თანამშრომლები.