საქართველოს ტექნიკური უნივერსიტეტის ადმინისტრაციულ კორპუსში გაფორმდა მემორანდუმი საქართველოს ტექნიკურ უნივერსიტეტსა და საქართველოს სასჯელაღსრულებისა და პრობაციის სასწავლო ცენტრს შორის. უნივერსიტეტის მხრიდან ხელს მოაწერა სენატის თავმჯდომარემ, ჯემალ გახოკიძე, ხოლო სასწავლო ცენტრის მხრიდან – ცენტრის დირექტორმა მაია ხასიამ.

მემორანდუმის მთავარი მიზანია ისეთი ერთობლივი პროექტებისა და პროგრამების შემუშავება-განხორციელება, რომლებიც ხელს შეუწყობს სამართლებრივი კვლევების პოპულარიზაციას, სტუდენტთა პროფესიულ განვითარებასა და მათი ინფორმირებულობის ამაღლებას აღნიშნულ სფეროში. ამ მიზნით, იგეგმება სამართლის კლინიკის საბაკალავრო (მე-3 და მე-4 კურსის) და სამაგისტრო პროგრამების სტუდენტების მოკლევადიანი საგანმანათლებლო პრაქტიკული კურსების ჩატარება სასწავლო ცენტრში.

სტუდენტები ცენტრში სწავლის პერიოდში გაეცნობიან სასჯელაღსრულების სისტემის სპეციფიკას. სასწავლო ცენტრში გავლილი კურსები სტუდენტს კრედიტქულებად ჩაეთვლებათ (სამართლის კლინიკის პროგრამებში).