ხვალ, 7 ნოემბერს, 15:00 საათზე, თბილისის საქალაქო სასამართლოს თავმჯდომარე მამუკა ახვლედიანი საქართველოს ტექნიკურ უნივერსიტეტში სტუდენტებს შეხვდება.

ამას გარდა, თბილისის საქალაქო სასამართლოსა და საქართველოს ტექნიკურ უნივერსიტეტს შორის გაფორმდება მემორანდუმი, რომლის ფარგლებშიც, სტუ-ის ბიზნეს-ინჟინერინგის ფაკულტეტის სამართლის სპეციალობის მე-3 და მე-4 კურსის სტუდენტები, აგრეთვე, მაგისტრანტები საქალაქო სასამართლოში პრაქტიკას გაივლიან. მემორანდუმს ხელს მოაწერენ თბილისის საქალაქო სასამართლოს თავმჯდომარე მამუკა ახვლედიანი და სტუ-ის რექტორის მოადგილე სასწავლო დარგში ლევან კლიმიაშვილი.