განათლების ხარისხის განვითარების ეროვნული ცენტრის რეესტრის სამმართველოს უფროსის, ნინო წერეთლის განცხადებით, მობილობა წელს თბილისის სახელმწიფო უნივერსიტეტს არ გამოუცხადებია. მისი თქმით, 72 უმაღლესი სასწავლებლიდან საპატრიარქოს მიერ დაარსებული 6 უნივერსიტეტი, შინაგან საქმეთა სამინისტროს აკადემია და თავდაცვის სამინისტროს აკადემია თავისი სპეციფიკურობიდან გამომდინარე, მობილობას არასდროს აცხადებს.

სულ მობილობა გამოცხადდა 8370 სტუდენტზე. მობილობის მსურველ სტუდენთა განაცხადი 2700 იყო, საიდანაც უნივერსიტეტებმა 2418 დააკმაყოფილეს. ყველაზე მოთხოვნადი უნივერსიტეტების სია ასე გამოიყურება: 1. ილიას უნივერსიტეტი; 2. საქართველოს ტექნიკური უნივერსიტეტი; 3. სოხუმის უნივერსიტეტი; 4. ბათუმის შოთა რუსთაველის სახელმწიფო უნივერსიტეტი; 4. საქართველოს უნივერსიტეტი.

მობილობას უნივერსიტეტები წელიწადში ორჯერ - შემოდგომასა და გაზაფხულის სემესტრებზე აცხადებენ.