|
15-04-2010, 00:51
მიმდინარე წლის სექტემბრიდან საზღვარგარეთის ქვეყნებში არსებულ ქართულ საკვირაო სკოლებს ადაპტირებული სახელმძღვანელოებით მოამარაგებენ და მათთვის ახალ სასწავლო გეგმას შეადგენენ. ამის შესახებ დიასპორის საკითხებში საქართველოს სახელმწიფო მინისტრმა პაპუნა დავითაიამ უცხოეთში მცხოვრებ თანამემამულეებთან ურთიერთობის საპარლამენტო კომიტეტის სხდომაზე განაცხადა. დავითაიამ სხდომაზე დიასპორის საკითხებში საქართველოს სახელმწიფო მინისტრის აპარატის 2010 წლის სამოქმედო გეგმის შესრულების ანგარიშზე ისაუბრა.
მისი განცხადებით, აღნიშნულ ინიციატივას 200-მდე სკოლიდან უკვე 60 სკოლა გამოეხმაურა. დავითაიას ინფორმაციით, ზაფხულში მასწავლებლებისთვის სპეციალური ტრენინგები მოეწყობა. ამ საკითხთან დაკავშირებით, დიასპორის საკითხებში საქართველოს სახელმწიფო მინისტრის უწყებასა და განათლებისა და მეცნიერების სამინისტროს შორის შეთანხმება უკვე მიღწეულია. |
|
