ქართული ენისა და ლიტერატურის საგამოცდო ნაშრომების გასწორების პროცესი დაიწყო.
2008 წელს საგამოცდო ნაშრომები პირველად გასწორდა ქართველი სპეციალისტების მიერ შექმნილი კომპიუტერული პროგრამით, რამაც შესაძლებელი გახადა გასწორების პროცეში საქართველოს ყველა რეგიონის წარმომადგენლების ჩართვა საკუთარი რაიონიდან გაუსვლელად.
2010 წელს, ისევე, როგორც 2009 წელს, ერთიანი ეროვნული გამოცდებისათვის გამსწორებლები კონკურსის წესით შეირჩნენ – გამოცდების ეროვნულმა ცენტრმა წელს კონკურსის შედეგად ქართული ენისა და ლიტერატურის, მათემატიკის, ისტორიისა და გეოგრაფიის გამსწორებლები შეარჩია.
საგამოცდო ნამუშევრებს 600–ზე მეტი გამსწორებელი გაასწორებს საქართველოს 20-ზე მეტი ქალაქიდან და რაიონიდან (ქუთაისი, ამბროლაური, გურჯაანი, საგარეჯო, წალენჯიხა, რუსთავი, ხულო, ახალციხე, ხონი, ოზურგეთი, ბათუმი, ბაღდათი, ზესტაფონი, სამტრედია, ბორჯომი, თიანეთი, თელავი, გორი, ხაშური, კასპი, მცხეთა, თბილისი).