გამოცდების ეროვნული ცენტრი 9 აგვისტოდან იწყებს სააპელაციო(საპრეტენზიო) განაცხადების მიღებას.განაცხადები მიიღება 14 აგვისტომდე (10:00-დან 18:00 საათამდე):

თბილისში: კოსტავას 77 (სტუ მე–6 კორპ.);

რაიონებში: საგანმანათლებლო რესურსცენტრებში.

პრეტენზიის წარდგენისას აბიტურიენტმა/სტუდენტმა ან მაგისტრანტობის კანდიდატმა თან უნდა იქონიოს:

ა) საგამოცდო-საიდენტიფიკაციო ბარათი;
ბ) პირადობის (ბინადრობის) მოწმობა/პასპორტი;
გ) ტესტის შეფასების თაობაზე საპრეტენზიო განაცხადის განხილვის საფასურის გადახდის დამადასტურებელი ქვითარი;
დ) თუ დოკუმენტი/დოკუმენტები უცხო ენაზეა შედგენილი, ასევე ნოტარიულად დამოწმებული ქართული თარგმანი.

თუ აბიტურიენტი არასრულწლოვანია საპრეტენზიო განაცხადი შესაძლებელია წარმოადგინოს მშობელმა. ამ შემთხვევაში, მშობელმა უნდა წარმოადგინოს:

ა) აბიტურიენტის საგამოცდო-საიდენტიფიკაციო ბარათი;
ბ) აბიტურიენტის დაბადების მოწმობა;
გ) მისი პირადობის (ბინადრობის) მოწმობა/პასპორტი;
დ) ტესტის შეფასების თაობაზე საპრეტენზიო განაცხადის განხილვის საფასურის გადახდის დამადასტურებელი ქვითარი;
ე) თუ დოკუმენტი/დოკუმენტები უცხო ენაზეა შედგენილი, ასევე ნოტარიულად დამოწმებული ქართული თარგმანი.

საპრეტენზიო განაცხადი შესაძლებელია შეავსოს სხვა პირმაც, თუ ის წარმოადგენს წარმომადგენლობის დამადასტურებელ ოფიციალურად დამოწმებულ დოკუმენტს.

ერთი გამოცდის შედეგის გასაჩივრების საფასურია 30 ლარი.

აპელაციის თანხის გადახდა შესაძლებელია ,,ბაზისბანკისა“ და ,,ლიბერთი ბანკის“ ნებისმეირ ფილიალში შემდეგ საბანკო რეკვიზიტებზე :


სს ”ბაზისბანკი”
ბანკის კოდი: 220101956
ანგარიში: 133531
მიმღები: გამოცდების ეროვნული ცენტრი
ს/კ: 202198727


ან სსიპ ”გამოცდების ეროვნული ცენტრი”
ს/კ: 202198727
სს ,,ლიბერთი ბანკის“ ცენტრალური ფილიალი
ბანკის კოდი: 220101480
ანგარიში: 33066836
naec.ge