"ქვაშვეთის ტაძრის საიუბილეოდ" გამოფენა გაიმართება » News.GTU.ge



«    მარტი 2024    »
ორშსამოთხხუთპარშაბკვ
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
დაგვიკავშირდით

"ქვაშვეთის ტაძრის საიუბილეოდ" გამოფენა გაიმართება კულტურა, სპორტი
22-11-2010, 20:51
23 ნოემბერს საქართველოს პარლამენტის ეროვნული ბიბლიოთეკის საგამოფენო დარბაზში ქვაშვეთის წმინდა გიორგის სახელობის ტაძრის, საქართველოს პარლამენტის ეროვნული ბიბლიოთეკის, საქართველოს იუსტიციის სამინისტროს ეროვნული არქივისა და ხელნაწერთა ეროვნული ცენტრის მონაწილეობით, გაიხსნება გამოფენა "ქვაშვეთის ტაძრის საიუბილეოდ". ექსპოზიცია ქაშვეთის ტაძრის განახლების 100 წლისთავს ეძღვნება

ღონისძიებაზე წარმოდგენილი იქნება ქვაშვეთის ტაძრის არქივში დაცული ისტორიული მნიშვნელობის საღვთისმსახურო წიგნები, ქვაშვეთის წმინდა გიორგის ეკლესიის, ასევე, ტაძარის წინამძღვრებისა და იქ მოღვაწე სხვა სასულიერო პირების ფოტოები.

ექსპოზიციაზე გამოფენილი იქნება საქართველოს ეროვნულ არქივში დაცული წერილობითი დოკუმენტები: ქვაშვეთის ეკლესიის სამრევლო უწყისი, სააქტო ჩანაწერების წიგნი, სრულიად საქართველოს კათალიკოს-პატრიარქ ქრისტეფორეს მიმართვა საქართველოს სახალხო კომისართა საბჭოსადმი ქაშუეთის ეკლესიის, როგორც ძველი ქართული ხუროთმოძღვრების ნიმუშის ხელუხლებლად დატოვების თაობაზე, ქვაშვეთის წმინდა გიორგის ეკლესიის, ასევე, ტაძრის სამლოცველო ოთახის პროექტი, ტაძრის ეზოში მდებარე თავად ბარათოვის საფლავზე ასაშენებელი მარმარილოს ეკვდერის (სამლოცველოს) პროექტი.

ხელნაწერთა ეროვნული ცენტრი წარმოადგენს კალისტრატე ცინცაძის არქივში დაცულ ფოტოალბომს "ტფილისის ქვაშვეთის წმინდა გიორგის ეკლესია". ალბომში შესულია ქვაშვეთის ტაძრის ინტერიერის, ფასადების, ხატების, ფრესკების, საკულტო და არქიტექტურული დეტალების ფოტოები, რომლებიც გადაღებულია 1904-1910 წლებში.

გარდა ამისა, დამთვალიერებელს შეუძლია იხილოს საქართველოს პარლამენტის ეროვნულ ბიბლიოთეკაში დაცულ პერიოდულ პრესაში დაბეჭდილი სტატიები და სხვადასხვა დროს გამოცემული წიგნები ქვაშვეთის ტაძრის შესახებ.
 
 

ასევე:

  • პარლამენტის ეროვნულ ბიბლიოთეკაში საქველმოქმედო ღონისძიება ტარდება
  • ეროვნულ არქივში გამოფენა “ექვთიმე თაყაიშვილი" გაიხსნება
  • პატრიარქმა სტუ-ის ჯვარგუმბათოვანი ტაძრის პროექტი მოიწონა
  • ივერიის ღვთისმშობლის ტაძრის მშენებლობა 17 აპრილს დაიწყება
  • ეროვნულ ბიბლიოთეკაში გამოფენა - „თოჯინები გიწვევენ საცეკვაოდ"






  • 

    Wi-Fi
    UMTS
    WiMAX
    CDMA
    EDGE
    Cellular 3,5G
    HSPA
    Mobile WiMAX - 4G
    GSM
    GPRS



      ყველა უფლება დაცულია © Copyright 2009.
    GTU | ელ.ფოსტა: gtunews@gtu.ge