|
1-11-2009, 16:17
ტანზანიაში საბავშვო გადაცემის გადაღების დროს ბრიტანული კორპორაცია “ბი-ბი-სის” თანამშრომელი, 38 წლის ენტონი ტერნერი, სპილომ გათელა. ამის შესახებ ინფორმაციას “ვესტი” ავრცელებს.
მათი ინფორმაციით, ტერნერი მუშაობდა გამცილებლად. იგი ტროპიკულ მოგზაურობებში ეხმარებოდა ჟურნალისტებს, რომლებიც იღებდნენ შემეცნებით ციკლს “სერიოზული მკვლევრები”. ისინი სთავაზობდნენ ბავშვებს, გაემეორებინათ ცნობილი მოგზაურის, დევიდ ლივინგსტონის მარშრუტი, რომელმაც მე-19 საუკუნეში აფრიკა დასავლეთიდან აღმოსავლეთის მიმართულებით გადაკვეთა.
გადაღების დროს იქ იმყოფებოდა სამი ბავშვი, რომელთაგან არც ერთი არ დაშავებულა. ჯერჯერობით დაუდგენელი მიზეზით, სპილო, რომელსაც იღებდნენ, გააგრესიულდა და ჯგუფის წევრებს შეუტია. |
|
