15 მარტს, 11:00 სთ, აშშ-ის საერთაშორისო განვითარების სააგენტოს (USAID), მხარდაჭერით მიმდინარე პროგრამის “თანამედოვე ენერგოეფექტური ტექნოლოგიებისა და განათების ინიციატივა“ (NATELI) და სტუ-ის ორგანიზატორობით, საქართველოს ტექნიკურ უნივერსიტეტში ენერგოეფექტური სატესტო მოწყობილოლებით ახლახან აღჭურვილი ენერგოაუდიტისა დიაგნოსტიკის ლაბორატორია გაიხსნა.

ენერგოეფექტურობის ლაბორატორიის სრულყოფის მიზნით, პროგრამამ NATELI სტუ-ს გადასცა 39 977 დოლარის ღირებულების აღჭურვილობა. აღნიშნული ლაბორატორიის შექმნა ტექნიკურ უნივერსიტეტში ენერგოაუდიტის ჩატარების მნიშვნელოვან საფუძველს წარმოადგენს, ამავდროულად, უზრუნველყოფს კვალიფიციური კადრების მომზადებას მომავალში.

გახსნის ღონისძიებას USAID -ის ოფიციალური წარმომადგენლები, აშშ-ის ელჩი საქართველოში ჯონ ბასი და ენერგეტიკის მინისტრის პირველი მოადგილე, მარიამ ვალიშვილი დაესწრნენ.

პროექტი “თანამედროვე ენერგოეფექტური ტექნოლოგიებისა და განათების ინიციატივა” ითვალისწინებს საქართველოს ტექნიკურ უნივერსიტეტთან თანამშრომლობას შემდეგი მიმართულებებით: ენერგოეფექტურობის სასწავლო პროგრამის შემუშავება ტექნიკური უნივერსიტეტის სტუდენტებისთვის;
ენერგოაუდიტის ჩატარება ტექნიკური უნივერსიტეტის კორპუსებში; ენერგოაუდიტორების და ენერგომენეჯერების სერტიფიცირების პროცედურებისა და შესამაბისი სატესტო მასალების შემუშავება; ამასთან ერთად პროექტი დაეხმარება ტექნიკურ უნივერსიტეტს ენერგოეფექტურობის ლაბორატორიის სრულყოფაში. ტექნიკური უნივერსიტეტის მხრიდან გათვალისწინებულია საინჟინრო ფაკულტეტის არსებული სასწავლო პროგრამის გადახედვა და ენერგოეფექტურობის და ენერგოაუდიტის საკითხების ჩართვა სამაგისტრო პროგრამაში.