ყუმისთავის მღვიმეს ამიერიდან პრომეთეს მღვიმე ეწოდება. ამის შესახებ საქართველოს პრეზიდენტმა მიხეილ სააკაშვილმა განაცხადა. სააკაშვილმა იმერეთში ჩასვლისას მღვიმეებიც დაათვალიერა.
პრეზიდენტის განცხადებით, აღნიშნული მღვიმე მან საპრეზიდენტო კამპანიის დროს აღმოაჩინა

სამგზის ოლიმპიური ჩემპიონის, კახი კახიაშვილისა და “საქართველოს ოლიმპიელთა კლუბის” თაოსნობით იგეგმება “საქართველოს მსოფლიოსა და ევროპის ჩემპიონთა კლუბის” დაფუძნება, რომლის მიზანი ახალგაზრდებში სპორტის პოპულარიზაცია და ჯანსაღი ცხოვრების წესის პროპაგანდა იქნება.
21 მაისს კლუბის პირველ შეხვედრას საქართველოს ტექნიკურმა უნივერსიტეტმა უმასპინძლა

ტექნიკური უნივერსიტეტის სტუდენტები ოლიმპიელთა კლუბის წევრებს შეხვდნენ

19 მაისს საქართველოს ტექნიკურ უნივერსიტეტში ხელი მოეწერა მემორანდუმს, რომელიც საქართველოს გაერთიანებული წყალმომარაგების კომპანიასა და საქართველოს ტექნიკურ უნივერსიტეტს შორის მჭიდრო თანამშრომლობას ისახავს მიზნად. შეხვედრას ესწრებოდნენ საქართველოს რეგიონალური განვითარებისა და ინფრასტრუქტურის მინისტრი დავით ტყეშელაშვილი, საქართველოს გაერთიანებული წყალმომარაგების კომპანიის დირექტორი ირაკლი კვაშილავა, სტუდენტები და პროფესორ-მასწავლებლები

საქართველოს ტექნიკური უნივერსიტეტის სტუდენტებს საქართველოს გაერთიანებული წყალმომარაგების კომპანია დაასაქმებს. როგორც საქართველოს გაერთიანებული წყალმომარაგების კომპანიაში აცხადებენ, ამასთან დაკავშირებით 19 მაისს ტექნიკურ უნივერსიტეტში სტუ-სა და კომპანიას შორის მემორანდუმს მოეწერება ხელი

დღეს, 18 მაისს, 13:00 საათზე, სტუ-ში გაიმართა ტრადიციული online--სემინარი თემაზე: "მართვის სისტემების უნიფიცირებული მოდელირების სოციალური ასპექტები".
სოციალური სისტემების (ეკონომიკური, იურიდიული, ინფორმაციული, ლინგვისტური) ფართო სპექტრის ანალიზის მაგალითზე განიხილებოდა ამ სისტემების ინფორმაციული მოდელირების პრობლემები და ამ სისტემებისთვის ოპტიმიზაციის მეთოდების გამოყენება

გამოცდების ეროვნული ცენტრი 2011 წლის საატესტატო გამოცდებისთვის ფართომასშტაბიან აპრობაციას იწყებს.
განათლებისა და მეცნიერების სამინისტროს გადაწყვეტილებით, 2011 წელს დამამთავრებელი კლასის მოსწავლეები სრული ზოგადი განათლების დამადასტურებელი დოკუმენტის მისაღებად 8 გამოცდას ჩააბარებენ. საატესტატო გამოცდების ჩატარება გამოცდების ეროვნულ ცენტრს დაევალა

15 მაისს თბილისში გამართული ნორჩ მეცნიერთა და გამომგონებელთა საერთაშორისო ოლიმპიადა ფინალისტთა დაჯილდოებით დაიხურება.
საერთაშორისო კონკურსში, რომელიც საქართველოში ტარდება, 30-მდე ქვეყნის VII-XII კლასების მოსწავლეები მონაწილეობენ. მათ მიერ წარმოდგენილ მათემატიკის, ფიზიკის, ქიმიის, ბიოლოგიის, ინფორმატიკის, ეკოლოგიის, აგრეთვე სამრეწველო და საყოფაცხოვრებო ტექნიკის სფეროებში მომზადებულ პროექტებს კომპეტენტური ჟიური შეაფასებს და გამარჯვებულებს გამოავლენს

დღეს, 13 მაისს, 09:30 საათზე, სასტუმრო "თბილისი მარიოტში" გაიხსნება რეგიონული კონფერენცია კიბერდანაშაულის წინააღმდეგ ბრძოლის საკითხებზე.
რეგიონულ კონფერენციაში მონაწილეობას მიიღებენ საჯარო და კერძო სექტორის წარმომადგენლები საქართველოდან, სომხეთიდან, აზერბაიჯანიდან, უკრაინიდან, მოლდოვადან, პოლონეთიდან, ესტონეთიდან, ჰოლანდიიდან, ნორვეგიიდან, რუმინეთიდან, ესპანეთიდან და თურქეთიდან, უცხოელი და ქართველი ექსპერტები, ასევე არასამთავრობო ორგანიზაციების წარმომადგენლები

დღეს, 11 მაისს, 13:00 საათზე, გაიმართება "ბიზნესში საინფორმაციო ტექნოლოგიების" # 89 მიმართულების მორიგი სემინარი ონლაინრეჟიმში. სემინარი თემაა: "ლოიალობის პროგრამების განხორციელება ნავთობპროდუქტების სექტორის მაგალითზე". სემინარს გაუძღვება # 89 მიმართულების ასოცირებული პროფესორი ნინო ჯღამაძე

დღეს, 8 მაისს, 11:00 საათზე, გამოცდების ეროვნული ცენტრი საგამოცდო ნაშრომების გამსწორებელთა კონკურსის დასკვნით ეტაპს ჩაატარებს. გამოცდების ეროვნული ცენტრის დირექტორი მაია მიმინოშვილი კონკურსის მიმდინარეობას ტექნიკური უნივერსიტეტის I კორპუსში დააკვირდება.
2010 წლის ერთიანი ეროვნული გამოცდებისთვის ქართული ენისა და ლიტერატურის, მათემატიკის, ისტორიისა და გეოგრაფიის გამსწორებლები შეირჩევიან