ჰოლანდიელი ფერმწერისა და გრაფიკოსის, ვინსენტ ვილემ ვან გოგის გარდაცვალებიდან 120 წელი გავიდა. ვან გოგი 1890 წლის 29 ივლისს საფრანგეთში, ოვერ-სიურუაზში გარდაიცვალა

28 ივლისს ყველა დროის ერთ-ერთი უდიდესი კომპოზიტორის, იოჰან სებასტიან ბახის გარდაცვალებიდან 260 წელი გავიდა. ბახი 1750 წლის 28 ივლისს ლაიფციგში გარდაიცვალა

საქართველოს თავისუფალი სტილით მოჭიდავეთა ახალგაზრდულმა ნაკრებმა 24-25 ივლისს ბუდაპეშტში ჩატარებულ მსოფლიო ჩემპიონატზე 2 ოქროს, 1 ვერცხლისა და 2 ბრინჯაოს მედალი მოიპოვა

26 ივლისს, 11:00 საათზე, ჟურნალისტებისთვის საქართველოს განათლებისა და მეცნიერების სამინისტროს მასწავლებელთა პროფესიული განვითარების ცენტრის განახლებული საიტის პრეზენტაცია გაიმართება. ამის შესახებ ინფორმაციას საქართველოს განათლებისა და მეცნიერების სამინისტროს პრესსამსახური ავრცელებს

წყნეთის BUCKSWOOD-ის საზაფხულო სკოლის მოსწავლეთა შორის ინგლისურ პოპულარულ თამაშში - კრიკეტი (Cricket) ჩემპიონატი გაიმართა. შეჯიბრის მიმდინარეობას საქართველოს განათლებისა და მეცნიერების მინისტრი დიმიტრი შაშკინი დაესწრო.
კრიკეტი (Cricket) ბურთის ერთგვარი თამაშია, სადაც ორ ჯგუფად გაყოფილი მოთამაშეები ცდილობენ, ჯოხით შეაგდონ ბურთი მოწინააღმდეგის კარში. თამაში ფართოდაა გავრცელებული ინგლისში და მოზარდებს შორის დიდი პოპულარობით სარგებლობს. ჩემპიონატის ჩატარების იდეა დიმიტრი შაშკინს ეკუთვნის. ეს იდეა მინისტრმა წყნეთის საზაფხოლო სკოლაში პირველი სტუმრობისას გააჟღერა

24 ივლისს ერთიანი ეროვნული საგამოცდო ნაშრომების გამოქვეყნება ზოგადი უნარების ტესტების შედგებით დაიწყო. აბიტურიენტებს გასწორებული ნაშრომების ნახვა ცენტრის ვებ-გვერდ www.naec.ge-ზე შეეძლებათ.
ყველა გამოცდის შედეგების გამოცხადება 10 აგვისტოსთვის დასრულდება, რის შემდეგაც სააპელაციო განაცხადების მიღება დაიწყება

23 ივლისს 2010 წლის ერთიანი ეროვნული გამოცდების ბოლო გამოცდა ქიმიაში ჩატარდება. 17:00 საათზე დაგეგმილია საქართველოს განათლებისა და მეცნიერების მინისტრის დიმიტრი შაშკინის და გამოცდების ეროვნული ცენტრის დირექტორის მაია მიმინოშვილის პრესკონფერენცია, რომლებიც ეროვნული გამოცდების ჩატარებას შეაფასებენ.
აღსანიშნავია, რომ წელს ეროვნულმა გამოცდებმა ინციდენტების გარეშე ჩაიარა და საგამოცდო სესიაზე აბიტურიენტთა 97% გამოცხადდა, რაც წინა წლების მონაცემები შედარებით მაღალი პროცენტია

23 ივლისს ღია კოსმოსურ სივრცეში ისტორიაში პირველი ქართული კოსმოსური ობიექტის _ “რეფლექტორის” გასვლიდან 11 წელი სრულდება. 1999 წლის 23 ივლისს ღია კოსმოსურ სივრცეში გავიდა ისტორიაში პირველი ქართული კოსმოსური ობიექტი _ “რეფლექტორი”. პირველი ქართული კოსმოსური ობიექტი, “რეფლექტორი” ღია კოსმოსურ სივრცეში სტუ-ის ნაგებობების, სპეციალური სისტემებისა და საინჟინრო უზრუნველყოფის ინსტიტუტის (მაშინდელი კოსმოსურ ნაგებობათა ინსტიტუტის) ძალისხმევით გავიდა. გენერალური კონსტრუქტორი იყო სამხედრო მეცნიერებათა დოქტორი, ტექნიკურ მეცნიერებათა დოქტორი, პროფესორი, გენერალ-მაიორი ელგუჯა მეძმარიაშვილი

დღეს ინტელექტუალური საკუთრების ეროვნულ ცენტრ "საქპატენტში" საავტორო უფლებების დაცვის თემაზე სამუშაო შეხვედრა გაიმართა. შეხვედრას საქპატენტის, ავტორთა საზოგადოების წარმომადგენლები და საავტორო უფლებების დაცვის საკითხებით დაინტერესებული პირები დაესწრნენ

ტურისტული კომპანია "თებულოტური" წარმოადგენს ახალ მარშრუტებს საქართველოს რეგონებში.
"ძველ და უკვე პოპულარულ მარშრუტებს დაემატა რამდენიმე ახალი ტური: ლაშქრობა რაჭიდან ქვემო და ზემო სვანეთში ისტორიული მარშრუტით - ომიანობის დროს განძსა და სიწმინდეებს სვანეთში მალავდნენ, ამ ლაშქრობაში გავივლით გზას, თუ როგორ გადადიაოდნენ რაჭა-სვანეთის მარშრუტს ჩვენი წინაპრები. შაბათ-კვირას შავ ზღვაზე და კოლხეთის ეროვნულ პარკში მოვინახულებთ პალიასტომის ტბისა და მდ. ფიჩორის უნიკალურ ბუნებას. გადაადგილება ხდება "პანტონის" ტიპის ნავით. 3-დღიანი ტური სვანეთში: ზუგდიდი - დადიანების სასახლე, ზუგდიდის ბოტანიკური ბაღი, უშგული - ლამარიას (ღვთისმშობლის) ეკლესია, ეთნოგრაფიული მუზეუმი უშგულში, მესტია, მესტიის ეთნოგრაფიული და მიხეილ ხერგიანის სახლ მუზეუმები, ლაღამის, ლატალისა და ლენჯერის ეკლესიები", _ აცხადებენ კომპანიაში