საინფორმაციო სააგენტო “ჯი-ეიჩ-ენმა "ოქროს პერგამენტი - 2009"-ის ლაურეატი წლის ადამიანები და კომპანიები დაასახელა.
ტრადიციის მიხედვით, ახალი ამბების საგანეტო "GHN"-მა და საკონსულტაციო ჯგუფმა GCG -მ წლის ადამიანებისა და კომპანიების გამოსავლენად საქართველოს ყველა რეგიონში გამოკითხვა ჩაატარეს, რომლის მიხედვითაც, 2009 წლის ადამიანები და კომპანიები გამოვლინდენ. გამოკითხულია 1257 რესპოდენტი

სამხრეთკორეელ კონსტრუქტორთა ჯგუფმა ”ჭკვიანი” პლასტიკური საბანკო ბარათი ” ლაივ ჩექინგ ქარდი” შექმნა. ჩვეულებრივი პლასტიკატის ნაჭრის ნაცვლად, აღნიშნული ბარათი ინოვაციურ სენსორულ დისპლეის წარმოადგენს. ”ლაივ ჩექინგ ქარდი” ფულადი ანგარიშსწორების ისტორიის შესახებაც იძლევა ინფორმაციას - მორიგი ტრანზაქციის განხორციელებისთანავე მონაცემები ბარათის ზედაპირზე ისახება

საზოგადოებასთან ურთიერთობის სააგენტო "პროფილმა" სასტუმრო "შერატონ მეტეხი პალასში" ნაციონალური ბრენდების რიგით მეშვიდე დაჯილდოების ცერემონიალი გაიმართა. გამარჯვებულები გამოვლინდნენ შემდეგ ნომინაციებში: ლიდერი; რეპუტაცია და ნდობა; წარმატებული ახალი სახელი; წამატებული ტელეპროექტი; წარმატებული პროექტი; წარმატებული ბიზნესრადიო და ბრენდ პერსონა

სტუ-ის ჰუმანიტარულ-სოციალური ფაკულტეტის სამეცნიერო საბჭოსა და სტუ-ის აკადემიური საბჭოს გადაწყვეტილებით, ჰუმანიტარულ-სოციალურ ფაკულტეტს ძველი სახელწოდება _ ჰუმანიტარულ ტექნიკური ფაკულტეტი _ უნდა დაუბრუნდეს. ამასთან დაკავშირებით, საქართველოს ტექნიკური უნივერსიტეტის პროფესორი თემურ ჯაგოდნიშვილი აცხადებს, რომ ჰუმანიტარულ-სოციალური ფაკულტეტის სამეცნიერო საბჭოსა და სტუ-ის აკადემიური საბჭოს გადაწყვეტილება სრულიად მართებულია. იგი ჩვენთან საუბარში ტექნიკური უნივერსიტეტის სივრცეში აღნიშნული ფაკულტეტის არსებობის ისტორიას მიმოიხილავს და ჰუმანიტარულ-სოციალური ფაკულტეტის სამეცნიერო საბჭოსა და სტუ-ის აკადემიური საბჭოს გადაწყვეტილებას მიესალმება

კლუბ “ტრიუმფში“სილამაზის კონკურსი “მის აფხაზეთი - 2009“ გაიმართა. კონკურსი, რომელიც 1995 წლის შემდეგ არ გამართულა, აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით ჩატარდა

”Google” უფასო ახალ ამბებს შეზღუდავს. გაზეთების გამომცემლებს ამიერიდან შესაძლებლობა ექნებათ, შეზღუდვები დააწესონ იმ სტატიებზე, რომელთა მოძებნა და წაკითხვაც ”Google”-ის საძიებო სისტემით იქნება შესაძლებელი, _ აცხადებენ კომპანიის წარმომადგენლები

აშშ-ში კომპიუტერის მრგვალი ფორმის, რბილი მაუსი გამოიგონეს. წარმოებლის მტკიცებით, მაუსის ფორმა და ზედაპირი მას ტრადიციულ მოდელზე უფრო კომფორტულს ხდის

დიდ ბრიტანეთსა და კონტინენტალურ ევროპას შორის დამაკავშირებელ გვირაბში "ევროსტარის" მატარებლების მოძრაობა შეწყვეტილია. ოფიციალური განცხადებებით, მატარებლების მოძრაობის შეწყვეტა ძლიერი ყინვის გამო მომხდარმა მასშტაბურმა დაზიანებებმა გამოიწვია

კულტურული მემკვიდრეობის დაცვის ეროვნული სააგენტოს გენერალურმა დირექტორმა ნიკოლოზ ვაჩეიშვილმა ვარძიის სამონასტრო კომპლექსში მიმდინარე სარეაბილიტაციო სამუშაო შეაფასა. კლდეში ნაკვეთი უნიკალური კომპლექსი ყოველწლიურად გადაუდებელი, პრევენციული სამუშაოს განხორცილებას საჭიროებს

19 დეკემბერს მართლმადიდებელი ეკლესიის წმინდანის, მირონ-ლუკიის მთავარეპისკოპოსის, წმინდა ნიკოლოზ საკვირველმოქმედის ხსენების დღეა (ძველი სტილით 6 დეკემბერი). წმინდა ნიკოლოზ საკვირველმოქმედი, მირონ-ლუკიის მთავარეპისკოპოსი, ლუკიის ოლქის პათარში (მცირე აზიის ნახევარკუნძულის სამხრეთ სანაპიროზე) დაიბადა ქრისტეშობიდან 257 წელს