4 ივნისს საქართველოს ნაკრები ბუქარესტში გაემგზავრება და ირბ-ის ერთა თასზე ითამაშებს. რუმინეთის დედაქალაქში გადახალისებული შემადგენლობა წავა, რადგან მორაგბეთა ნაწილი, ტრავმების და სხვადასხვა პრობლემის გამო, ნაკრების დახმარებას ვერ ახერხებს

5-6 ივნისს საქართველოს ტურიზმის ასოციაცია (GTA) ვარძიის კომპლექსის მიმდებარე ტერიტორიაზე “ვარძიის სათავგადასავლო ტურნირ 2010-ს" მართავს. ტურნირში ოცი 6-კაციანი გუნდი მიიღებს მონაწილეობას, ხოლო შეჯიბრება სამ დისციპლინაში - სირბილში, ველორბოლასა და ჯომარდობაში - გაიმართება. ჯგუფში 6 მონაწილეა (აქედან სამი სირბილში მიიღებს მონაწილეობას, სამი - ველორბოლაში და ბოლოს ექვსივე ჯომარდობაში)

პარიზში, პიერ კარდენის ცენტრში, ქართული კულტურის დღეების ფარგლებში რამდენიმე კულტურული ღონისძიება იგეგმება.
4 ივნისს პიერ კარდენის საკონცერტო დარბაზში გაიმართება მუსიკალური საღამო “ქართული კინოსა და თეატრის მუსიკის ნახევარი საათი, რომელშიც მონაწილეობას მიიღებენ ეროვნული სიმფონიური ორკესტრი ნიკა მემანიშვილის დირიჟორობით, გიორგი უშიკიშვილი და ქართული სიმღერების ანსამბლი "ლაშარი". ნაჩვენები იქნება კოლაჟები მე-20 საუკუნის ქართული კინოდან

დღეს, 1-ელ ივნისს, საქართველოს მართლმადიდებელი ეკლესია მოციქულთა სწორის, წმინდა ნინოს საქართველოში შემოსვლის დღეს აღნიშნავს. სრულიად საქართველოს კათალიკოს-პატრიარქი, უწმინდესი და უნეტარესი ილია მეორე, ამ თარიღთან დაკავშირებით, სიონის საკათედრო ტაძარში სადღესასწაულო წირვას ჩაატარებს.
წმინდა ნინოს დღეს ქართული მართლმადიდებლური ეკლესია წელიწადში ორჯერ აღნიშნავს: 1-ელ ივნისს - წმინდა ნინოს საქართველოში შემოსვლის და 27 იანვარს - მისი გარდაცვალების დღეს

დღეს, 31 მაისს, 18:00 საათზე, სამების საკათედრო ტაძრის ახალგაზრდულ ცენტრში მწერალ გოდერძი ჩოხელის საღამო გაიმართება.
ღონისძიებაზე ახალგაზრდები წაიკითხავენ გოდერძი ჩოხელის ლექსებს, მინიატურებს, ნაწყვეტებს მისი შემოქმედებიდან. სიტყვით გამოვლენ მარიამ წიკლაუტრი, მაია წიკლაური, ტარიელ ხალხელაური, გოჩა ხარანაული, ერეკლე საღლიანი, ნონა ნაჭყებია, თემურ არჩვაძე.
საღამოს მუსიკალურად გააფორმებენ ანსამბლები _ “გოგოჭურები”, “ფიცვერცხლი”, ასევე მომღერლები _ თეონა ქუმსიაშვილი, ლაშა ორჯონიკიძე

ოსლოს "ტელენორ-არენაზე" ევოროვიზია - 2010-ის ფინალი გაიმართა. 55-ე კონკურსის გამარჯვებული გერმანელი ელენა მაიერ-ლანდრუტი გახდა. მან ინგლისურ ენაზე შეასრულა სიმღერა "Satellite" და მთავარი პრიზის, ბროლის მიკროფონის მფლობელი გახდა. შესაბამისად, გაირკვა, რომ ევოროვიზია - 2011-ის ფინალი გერმანიაში გაიმართება

ევროპის 2016 წლის საფეხბურთო ჩემპიონატის ფინალურ ეტაპს საფრანგეთი უმასპინძლებს. ამის შესახებ უეფას პრეზიდენტმა მიშელ პლატინიმ ცოტა ხნის წინ ჟენევაში განაცხადა.
ევროპის ჩემპიონატი საფრანგეთის შემდეგ 11 ქალაქში ჩატარდება: ჟირონდა, ლანსი, ლილი, ნანსი, ლიონი, ნიცა, მარსელი, პარიზი, სენტ-ეტიენი, სტრასბურგი, ტულუზა

დღეს, 25 მაისს, 19:00 საათზე, ლიტერატურის მუზეუმში გამომცემლობა “დიოგენე” რადიო "თავისუფლების" რეპორტიორების - ეკა ქევანიშვილის ლექსების კრებულის "აქ ნუ დადგებით" და ნინო თარხნიშვილის ფანტასტიკური პროზის "სათაური 37-ე გვერდზე" პრეზენტაციას გამართავს

25 მაისიდან 4 ივნისამდე ბორჯომის მუნიციპალიტეტის გამგეობა, აპოლონ ქუთათელაძის სახელობის თბილისის სახელმწიფო სამხატვრო აკადემია და ხელოვნებისა და მეცნიერების საერთაშორისო კავშირი "ნუა" აწყობენ ხელოვნების ფესტივალს, რომლის დევიზია “ბორჯომი _ ხელოვნების ქალაქი”

დღეს, 23 მაისს, მართლმადიდებელი სამყარო სულთმოფენობას აღნიშნავს. ამ დღესთან დაკავშირებით სრულიად საქართველოს კათალიკოს-პატრიარქი, უწმინდესი და უნეტარესი ილია მეორე სამების საკათედრო ტაძარში სადღესასწაულო წირვას აღავლენს.
სულთმოფენობის დღესასწაული უფლის ბრწყინვალე აღდგომიდან 50-ე დღეს აღინიშნება და მოძრავი დღესასწაულია