ქართველმა მოციგურავე ელენე გედევანიშვილმა ევროპის ჩემპიონატზე მეხუთე ადგილი მოიპოვა. მან 53.68 ქულა დააგროვა და შედეგის გაუმჯობესების საშუალება დღევანდელ ფინალურ გამოსვლაშიც ექნება. ბოლო გამოსვლა შედარებით რთული და ხანგრძლივვადიანია. გედევანიშვილს 4,5 წუთის განმავლობაში უნდა ევენებინა თავისი შესაძლებლობები

დღეს ხელნაწერთა ეროვნულ ცენტრში გაიმართა პროექტის "მოხატული ისტორიული დოკუმენტები საქართველოს სიძველეთსაცავებიდან" პრეზენტაცია, რომელიც შოთა რუსთაველის ეროვნული სამეცნიერო ფონდის დაფინანსებით ხორციელდება.
ხელნაწერთა ეროვნული ცენტრის პროექტი "მოხატული ისტორიული დოკუმენტები საქართველოს სიძველეთსაცავებიდან" მიზნად ისახავს ქვეყნის მასშტაბით მუზეუმებში დაცული ქართული, სპარსული და ოსმალური მოხატული დოკუმენტების გამოვლენას, დიგიტალიზაციასა და ინტერდისციპლინარულ კვლევას, კვლევის შედეგების მიწოდებას მკვლევართათვის, საერთაშორისო საზოგადოების ფართო წრისათვის და მის ჩართვას სასწავლო-საგანმანათლებლო პროგრამებში

27 იანვარს ქართული მართლმადიდებელი ეკლესია მოციქულთა სწორის, ქართველთა განმანათლებლის - წმინდა ქალწულის, ნინოს ხსენების დღეს აღინიშნავს. დღესასწაულთან დაკავშირებით, სრულიად საქართველოს კათალიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმიდესსა და უნეტარეს ილია II-ს, სიღნაღში, ბოდბის მონასტერში ელოდებიან. კახეთის საინფორმაციო ცენტრის ინფორმაციით, ნინოობასთან დაკავშირებით მონასტერში წირვას პატრიარქი აღავლენს

დღეს, 25 იანვარს, 18:00 საათზე, გოეთეს ინსტიტუტში (ზანდუკელის 16) საბჭოთა წარსულის კვლევის ლაბორატორია წარმოადგენს პროექტს ვირტუალური პლატფორმა: საბჭოთა წარსულის გააზრება (ლექციების კურსი), ქართული მწერლობა საბჭოთა სისტემაში: რეალობის განზომილება

საქართველოს ფეხბურთის ფედერაციის პრეზიდენტად ზვიად სიჭინავა აირჩიეს. 33 დელეგატიდან არჩევნებში მონაწილეობა 30-მა მიიღო. მათ პრეზიდენტის თანამდებობაზე სიჭინავას ერთხმად დაუჭირეს მხარი. ზვიად სიჭინავა საქართველოს ფეხბურთის ფედერაციას 4 წლის განმავლობაში უხელმძღვანელებს

მცხეთა-მთიანეთის სამხარეო ადმინისტრაციისა და გუდაურის დეველოპერული კომპანიის, ასევე, ტურისტული კომპანია "თებულოტურის" ორგანიზებით, 22 იანვარს გუდაურში, ღია ცის ქვეშ, გრანდიოზული ხევსურული საღამოს მოწყობა იგეგმება

21 იანვარს მართლმადიდებელი ეკლესია აბო თბილელის (ისმაიტელყოფილის) ხსენების დღეს აღნიშნავს. მართლმადიდებელი ეკლესიის წმინდანი, ქრისტიანობისთვის წამებული არაბი, ნერსე ქართლის ერისმთავრის მსახური, ნელსაცხებელთა ოსტატი აბო თბილელი VIII საუკუნეში ცხოვრობდა და ეწამა.
წმინდანი ბაღდადიდან ქართლში ჩამოჰყვა ნერსეს. აბო გაკვირვებული იყო ქართველთა ზნეობით. იგი სწავლობდა ქართულ ენას, დადიოდა ეკლესიაში, ესაუბრებოდა სამღვდელოებას, ლოცულობდა მათთან ერთად და მარხულობდა. შემდეგ ქართლიდან დევნილ ერისთავს თან გაჰყვა ხაზარეთში, სადაც ქრისტიანობა მიიღო

19 იანვარს მართლმადიდებელი ეკლესია ნათლისღების ბრწყინვალე დღესასწაულს აღნიშნავს. ნათლისღების სადღესასწაულო წირვას სრულიად საქართველოს კათალიკოს-პატრიარქი, უწმინდესი და უნეტარესი ილია II ყოვლადწმინდა სამების საპატრიარქო ტაძარში ლოცვას შეასრულებს.
ნათლისღების ბრწყინვალე დღესასწაულზე სრულიად საქართველოს კათალიკოს-პატრიარქი, უწმინდესი და უნეტარესი ილია II სამების საკათედრო ტაძარში 530 ბავშვს მონათლავს. მონათვლის მსურველთა რეგისტრაცია 2010 წლის 19, 20 და 21 დეკემბერს მიმდინარეობდა

ქართველ მოჭადრაკეს, მეშვიდე მსოფლიო ჩემპიონს, მაია ჩიბურდანიძეს, 50 წელი შეუსრულდა. ჩიბურდანიძე 1961 წლის 17 იანვარს ქუთაისში დაიბადა.
მაია ჩიბურდანიძე არის მსოფლიოს ხუთგზის ჩემპიონი ქალთა შორის (1978-1991). მსოფლიო ჩემპიონი 17 წლის ასაკში გახდა და ყველაზე ახალგაზრდა ქალია, რომელმაც ეს ტიტული მოიპოვა. მაია ჩიბურდანიძე არის საერთშორისო დიდოსტატი ქალთა (1977) და ვაჟთა (1984) შორის. სსრ კავშირის ჩემპიონი (1977) და ვიცე-ჩემპიონი (1979). საჭადრაკო ოსკარის ოთხგზის (1984,1985,1986,1987) მფლობელი

14 იანვარს ქართული თეატრის დაარსებიდან 161-ე წლისთავი აღინიშნება. ამ დღესთან დაკავშირებული ქუთაისის ლადო მესხიშვილის სახელობის დრამატულ თეატრში ღონისძიებები გაიმართება. ქუთაისში იმ ადამიანებს დააჯილდოებენ, რომლებიც ქართულ თეატრში აქტიურად მოღვაწეობდნენ.
14 იანვარს ქუთაისში თეატრის მოღვაწეთა კავშირის 130 წლისთავსაც აღნიშნავენ