11 ნოემბერს 11:00 საათზე, საქართველოს განათლებისა და მეცნიერების მინისტრის პირველი მოადგილე კოკა სეფერთელაძე თბილისის №1 საჯარო სკოლის მეთორმეტეკლასელთა ფიზიკის აბიტურის საათის მიმდინარეობას გაეცნო და მოსწავლეებს იმ ახალ, ,,CAT”-ის ტიპის საგამოცდო მოდელზე გაესაუბრა, რომლითაც საატესტატო გამოცდები პირველად ჩატარდება

საქართველოს ტექნიკური უნივერსიტეტის ჰუმანიტარულ-ტექნიკური ფაკულტეტის სამართლის კლინიკის გუნდმა მონაწილეობა მიიღო სამართლებრივი განათლების საერთაშორისო ცენტრის (CILS), ლონდონის სამეფო კოლეჯის, გერმანიის საარბიტრაჟო ინსტიტუტის (CIS), სუფფოლკის უნივერსიტეტის (აშშ) და პეპერდინის სამართლის სკოლის (აშშ) მიერ ორგანიზებულ ინგლისურენოვან პროექტში - უცხოური ინვესტიციების იმიტირებულ საარბიტრაჟო პროცესები. აღნიშნული პროცესები 22-24 ოქტომბერს აშშ-ში, კალიფორნიის შტატში, პეპერდინის უნივერსიტეტში გაიმართა.

სტუ-ის გუნდი წარმოდგნილი იყო შემდეგი შემადგენლობით: კობა ჩიხლაძე, გიორგი მთიულიშვილი, ქეთევან ცინცაძე, დავით ჩიტაიშვილი, ვანო ზარდიაშვილი და გვანცა მეუნარგია

საქართველოს ტექნიკური უნივერსიტეტის ფაკულტეტების გუნდებს შორის ფინალური საფეხბურთო მატჩი გაიმართა.

სტუ-ის თასის ფინალურში ერთმანეთს ინფორმატიკისა და სამთო-გეოლოგიური ფაკულტეტების გუნდები დაუპირისპირდნენ

დღეს, 10 ნოემბერს, საქართველოს ტექნიკური უნივერსიტეტის რექტორი არჩილ ფრანგიშვილი საქართველოს ეკონომიკისა და მდგრადი განვითარების სამინისტროს კავშირგაბმულობის, საინფორმაციო ტექნოლოგიებისა და ინოვაციების დეპარტამენტის უფროსს, ირაკლი ქაშიბაძესა და მის მოადგილეს ჯემალ ვაშაკიძეს შეხვდა.
ქაშიბაძემ შეხვედრაზე დამსწრე საზოგადოებას წარუდგინა ახალი პროგრამა, რომელსაც საქართველოს ეკონომიკისა და მდგრადი განვითარების სამინისტრო იწყებს. პროგრამა ეხება კონკურენტული სტარტაპების გაჩენის ხელშეწყობის მიზნით, IT საინკუბაციო გარემოს შექმნას. მისი მიზანია ინოვაციების ხელშეწყობა

დღეს, 10 ნოემბერს, 11:00 საათზე, საქართველოს ტექნიკურ უნივერსიტეტში, ადმინისტრაციული კორპუსის მცირე სააქტო დარბაზში, ქიმიური ტექნოლოგიისა და მეტალურგიის ფაკულტეტის ქიმიური და ბიოლოგიური ტექნოლოგიების დეპარტამენტის გარემოს დაცვისა და საინჟინრო ეკოლოგიის მიმართულების ეგიდით, გაიხსნა საერთაშორისო-სამეცნიერო ტექნიკური კონფერენცია "გარემოს დაცვა და მდგრადი განვითარება".
კონფერენცია ეძღვნება გარემოს დაცვისა და საინჟინრო ეკოლოგიის კათედრის დაარსების 30 წლისთავს და მისი დამაარსებლის, ქიმიის მეცნიერებათა დოქტორის, პროფესორ ვიქტორ ერისთავის დაბადებიდან 70 წლის იუბილეს

დღეს, 10 ნოემბერს, მეცნიერთა მსოფლიო დღე აღინიშნება. ამ დღესთან დაკავშირებით, 12:00 საათზე, პროგრამა "აინშატაინის’’ ფარგლებში საქართველოს განათლებისა და მეცნიერების მინისტრი დიმიტრი შაშკინი 23-ე საჯარო სკოლას სასწავლო ლაბორატორიას გადასცემს. ახალგაზრდა მეცნიერი ეკა ბაკურაძე მოსწავლეებთან ერთად ახლად გადაცემულ ლაბორატორიაში ცდებს ჩაატარებს.
"მეცნიერების მსოფლიო დღე მშვიდობისა და განვითარებისთვის" (WSDPD ) UNESCO-ს ინიციატივით, პირველად 2002 წლის 10 ნოემბერს აღინიშნა

სტუ-ში გრძელდება შეხვედრათა ციკლი ცნობილ ადამიანებთან, 9 ნოემბერს, 15:00 საათზე, სტუ-ის შეხვედრების ოთახში, სტუ-ის სტუდენტური თვითმმართველობის ორგანიზებით, გაიმართება შეხვედრა ფეხბურთელ არჩილ არველაძესთან

9 ნოემბერს ფაშიზმისა და რასიზმის წინააღმდეგ მიმართული საერთაშორისო დღე აღინიშნება. ამ დღესთან დაკავშირებით, ახალგაზრდული ორგანიზაცია "დრონის" ორგანიზებით სპორტის სასახლეში სხვადასხვა ღონისძიება გაიმართება.
ღონისძიების მთავარი ლოზუნგი იქნება "ყველა ერთად ფაშიზმისა და რასიზმის წინააღმდეგ - დაიკავე შენი პოზიცია"

ბათუმში ლექსებისა და მინიატიურების გამოფენა გაიმართა კონკურსანტები და მსმენელ-დამთვალიერებლები სტენდებზე გამოკრულ საკონკურსო ლექსებს ეცნობოდნენ, მსჯელობენ და ფავორიტებსაც იქვე ირჩევენ

8 ნოემბერს, 16:00 საათზე, საქართველოს ტექნიკური უნივერსიტეტის ადმინისტრაციული კორპუსის გ. ნიკოლაძის სახელობის სხდომათა დარბაზში გაიმართება საზეიმო ცერემონიალი, რომელიც ეძღვნება საქართველოს სრულუფლებიანი და საგანგებო ელჩის, იუნესკოს გენერალური მდივნის მრჩევლის, საქართველოს მეცნიერებათა ეროვნული აკადემიის ნამდვილი წევრის გოჩა ჩოგოვაძის დაჯილდოებას საფრანგეთის ორდენით – “ხელოვნებისა და სიტყვიერების ოფიცერი”.
ჯილდოს საფრანგეთის ხელოვნებათა და ფერწერის აკადემიის მდივანი არნო დოტრივი გადასცემს