7 ივლისს მართლმადიდებელი ეკლესია იოანე ნათლისმცემლის შობის დღეს აღნიშნავს.
იოანე ნათლისმცემელი, სახარებების (მათე, მარკოზი) თანახმად, იესო ქრისტეს უახლოესი წინამორბედი, რომელმაც მესიის (ქრისტეს) მოსვლა იწინასწარმეტყველა. ცხოვრობდა უდაბნოში (ძველი აღთქმის წინასწარმეტყველის ელიას მსგავსად), ამხელდა საზოგადოების ბიწიერებას და მოუწოდებდა მონანიებისაკენ. მონათლა მრავალი ებრაელი, აგრეთვე იესო ქრისტე მდ. იორდანეში

ქართული ენისა და ლიტერატურის საგამოცდო ნაშრომების გასწორების პროცესი დაიწყო.
2008 წელს საგამოცდო ნაშრომები პირველად გასწორდა ქართველი სპეციალისტების მიერ შექმნილი კომპიუტერული პროგრამით, რამაც შესაძლებელი გახადა გასწორების პროცეში საქართველოს ყველა რეგიონის წარმომადგენლების ჩართვა საკუთარი რაიონიდან გაუსვლელად

5 ივლისს საქართველოს ტექნიკურ უნივერსიტეტში, საერთაშორისო თანამშრომლობის განვითარებისათვის ინოვაციური სამეცნიერო კვლევებისა და საერთაშორისო სამეცნიერო-ტექნიკური ცენტრის (სსტც) მიერ საქართველოში წლების განმავლობაში გაწეული შრომის აღიარების მიზნით, სტუ-ის აკადემიური საბჭოს გადაწყვეტილებით, სსტც-ის აღმასრულებელ დირექტორს, ადრიაან ვან დერ მეერს, საქართველოს ტექნიკური უნივერსიტეტის საპატიო დოქტორის წოდება მიენიჭა.
აკადემიური საბჭოს გაფართოებულ სხდომაზე სტუ-ის რექტორმა, პროფესორმა არჩილ ფრანგიშვილმა ვან დერ მეერს სსტც-სა და ტექნიკურ უნივერსიტეტს შორის თანამშრომლობის განვითარებაში ნაყოფიერი წვლილის შეტანისთვის საქართველოს ტექნიკური უნივერსიტეტის საპატიო დოქტორის დიპლომი და მედალი გადასცა

“თიბისი ბანკში” ლიტერატურულ კონკურს "საბას" მერვე დაჯილდოების ცერემონიალი გაიმართა. წლის საუკეთესო პოეტურ კრებულად დასახელდა ზვიად რატიანის "ნეგატივი" ("დიოგენე"); წლის საუკეთესო პროზაულ კრებულად _ კოტე ჯანდიერის "კონკიას ღამე" ("დიოგენე"); წლის საუკეთესო რომანად _ ნაირა გელაშვილის "პირველი 2 წრე" ("კავკასიური სახლი"); წლის საუკეთესო დებიუტად _ მაკა ლდოკონენის - "ქიშმიშიანი ამბები" ("დიოგენე"); წლის საუკეთესო პიესად _ თამარ ბართაიას "მთავარი როლი" ("დიოგენე"); წლის საუკეთესო თარგმანად _ მანანა ღარიბაშვილის გაიუს ვალერიუს კატულუსი - "ლექსების წიგნი", ("ლოგოსი"), წლის საუკეთესო კრიტიკად, ესეისტიკად და დოკუმენტური პროზად _ ზურაბ ქარუმიძის "ჯაზის ცხოვრება" ("სიესტა").
ქართული ლიტერატურის განვითარებაში შეტანილი განსაკუთრებული წვლილისთვის ლიტერატურული პრემია "საბა" გადაეცა მწერალს გურამ დოჩანაშვილს

/სტუ-ის ჰუმანიტარულ-სოციალური ფაკულტეტის
სამართალმცოდნეობის IV კურსის სტუდენტი
ზაზა ხუხუნაიშვილი/

ნარკოტიკული დანაშაული უდიდესი პრობლემაა მთელ მსოფლიოში. მას არაერთი მაღალგანვითარებული სახელმწიფო ებრძვის, თუმცა უშედეგოდ. ნარკომანიის გლობალური მასშტაბებიდან გამომდინარე, ამ პრობლემით დაღდასმულ ქვეყანათა რიცხვს საქართველოც მიეკუთვნება. ჩვენი ქვეყნის გეოპოლიტიკური მდებარეობა ნარკომანიის წინააღმდეგ გატარებულ ღონისძიებებს ერთიორად ართულებს და არაეფექტურს ხდის

4 ივლისს ხელოვნების მუზეუმში გაიხსნება გამოფენა "ქართველი ებრაელები _ მათი ისტორია და კულტურა". გამოფენა იერუსალიმის ბენ ცვის ებრაული ინსტიტუტის მიერ ორგანიზებულ საერთაშორისო კონფერენციას ეძღვნება.
ექსპოზიციაზე წარმოდგენილი იქნება საქართველოს ეროვნულ მუზეუმში, ხელნაწერთა ეროვნულ ცენტრსა და მცხეთის მუზეუმში დაცული ქართველ ებრაელთა უძველესი ისტორიისა და კულტურის ამსახველი ასზე მეტი ძეგლი: ფერწერული და გრაფიკული ტილოები, ეროვნული სამოსი, ფოტოები, საკულტო-რელიგიური და სხვადასხვა საყოფაცხოვრებო ნივთი

საქართველოს განათლებისა და მეცნიერების მინისტრის პირველმა მოადგილემ აკაკი სეფერთელაძემ "თბილისის სტუდენტური ოლიმპიადა ეკონომიკაში 2010-ის" I და II ადგილზე გასულ სტუდენტებს პერსონალური კომპიუტერები გადასცა.
დაჯილდოების ცერემონიალი ახალ სპორტულ ცენტრში გაიმართა, რომელიც თბილისის მერმა გიგი უგულავამ გახსნა. გამარჯვებული სტუდენტები კურსის დასრულების შემდგომ დასაქმდებიან ან სტაჟირებას გაივლიან სხვადასხვა კერძო და სახელმწიფო სტრუქტურაში

ერთიანი ეროვნული გამოცდების ფარგლებში ქართული ენისა და ლიტერატურის გამოცდა დასრულდა. აბიტურიენტებმა ქართული ენისა და ლიტერატურის გამოცდა 1-ელ და 2 ივლისს ოთხ სესიად ჩააბარეს. დღეს, ბოლო სესიაზე, 8620 რეგისტრირებული აბიტურიენტიდან გამოცდაზე 8308 გამოცხადდა. შაბათ-კვირას აბიტურიენტები დაისვენებენ, 5 ივლისიდან კი ერთიანი ეროვნული გამოცდები ზოგად უნარებში ტესტირებით გაგრძელდება

ცნობილმა ინგლისელმა დიზაინერმა Gordon Murray-მ ოფიციალურად წარმოადგინა ახალი კლასის ქალაქის ავტომობილი T.25 (ბენზინზე) და T.27 (ელექტროობაზე). “Frormula1″-ის ბოლიდისა და McLaren F1-ის შემქმნელმა, 20 წლის წინ “სუპერქარების” ისტორიის გადამტრიალებლმა, ახალი მოდელის შექმნისას ხაზი გაუსვა უფრო მანქანის კომფორტსა და მანევრულობას, ვიდრე სისწრაფეს, თუმცა ზოგიერთ ასპექტში ძველი სტანდარტები შეინარჩუნა. მძღოლის ადგილი ცენტრშია მოთავსებული, კორპუსის ნაწილები ადვილი შესაცვლელია ავარიის შემთხვევაში, ძრავა არის სათავსოს ქვეშ. ავტომობილის მასა — 575 კგ-ია. მისი სიგრძეა 2,4 მ, სიმაღლე — 1,6 მ, ხოლო სიგანე - მხოლოდ 1.3მ

ქართველ მეცნიერთა ჯგუფი კოსმოსის კვლევის აშშ-ის სახელმწიფო ორგანიზაციიდან (NASA) დაბრუნდა, სადაც ისინი საერთაშორისო სამეცნიერო ასტრობიოლოგიურ კონფერენციაზე იყვნენ მიწვეულნი. NASA-ში მათ პლანეტა მარსის შესახებ ახალი თეზისები და 3-წლიანი კვლევის შედეგები ჩაიტანეს, რომლითაც NASA დაინტერესდა და თბილისის სახელმწიფო უნივერსიტეტის ბიოლოგიის კათედრის მეცნიერები საქართველოში კოსმოსის კვლევის აშშ-ის სახელმწიფო ორგანიზაციის ოფიციალურ წარმომადგენლებად დანიშნა