საქართველოს ტექნიკური უნივერსიტეტის სტუდენტებს საქართველოს გაერთიანებული წყალმომარაგების კომპანია დაასაქმებს. როგორც საქართველოს გაერთიანებული წყალმომარაგების კომპანიაში აცხადებენ, ამასთან დაკავშირებით 19 მაისს ტექნიკურ უნივერსიტეტში სტუ-სა და კომპანიას შორის მემორანდუმს მოეწერება ხელი

19 მაისს კულტურის, ძეგლთა დაცვისა და სპორტის სამინისტროს სააქტო დარბაზში ჟურნალ "ჟუნიორის" ერთი წლის იუბილეს საზეიმოდ აღნიშნავენ. ცერემონიალს კულტურის, ძეგლთა დაცვისა და სპორტის მინისტრი ნიკოლოზ რურუა, განათლებისა და მეცნიერების მინისტრი დიმიტრი შაშკინი, პარლამენტის წევრები, სკოლის დირექტორები და საბავშვო სახლის აღსაზრდელები დაესწრებიან

დღეს, 18 მაისს, 13:00 საათზე, სტუ-ში გაიმართა ტრადიციული online--სემინარი თემაზე: "მართვის სისტემების უნიფიცირებული მოდელირების სოციალური ასპექტები".
სოციალური სისტემების (ეკონომიკური, იურიდიული, ინფორმაციული, ლინგვისტური) ფართო სპექტრის ანალიზის მაგალითზე განიხილებოდა ამ სისტემების ინფორმაციული მოდელირების პრობლემები და ამ სისტემებისთვის ოპტიმიზაციის მეთოდების გამოყენება

14 მაისს საქართველოს ტექნიკურ უნივერსიტეტში გაიმართა აკადემიური საბჭოს სხდომა, რომელსაც რუმინეთის სრულუფლებიანი ელჩი საქართველოში დან მიხაი ბარლიბა დაესწრო.
საქართველოს აკადემიური საბჭოს 10 მაისის გადაწყვეტილებით, დემოკრატიის, ევროპულ კულტურულ ღირებულებათა დამკვიდრებასა და საქართველოს ტექნიკური უნივერსიტეტის საერთაშორისო კავშირების განვითარებაში შეტანილი ნაყოფიერი წვლილისთვის, რუმინეთის ელჩს მიხაი ბარლიბას საქართველოს ტექნიკური უნივერსიტეტის საპატიო დოქტორის წოდება მიენიჭა

18 მაისს მუზეუმების საერთაშორისო დღე აღინიშნება. ამ დღესთან დაკავშირებით, 13:00 საათზე, ეროვნული მუზეუმის აუდიტორიაში შეხვედრა გაიმართება, სადაც ეროვნული მუზეუმის გენერალური დირექტორი დავით ლორთქიფანიძე და საქართველოს კულტურის, ძეგლთა დაცვისა და სპორტის მინისტრის მოადგილე დავით ცხადაძე დამსწრე საზოგადოებას ეროვნული მუზეუმის მიღწევებისა და ახალი გეგმების პრეზენტაციას წარმოუდგენენ

გამოცდების ეროვნული ცენტრი 2011 წლის საატესტატო გამოცდებისთვის ფართომასშტაბიან აპრობაციას იწყებს.
განათლებისა და მეცნიერების სამინისტროს გადაწყვეტილებით, 2011 წელს დამამთავრებელი კლასის მოსწავლეები სრული ზოგადი განათლების დამადასტურებელი დოკუმენტის მისაღებად 8 გამოცდას ჩააბარებენ. საატესტატო გამოცდების ჩატარება გამოცდების ეროვნულ ცენტრს დაევალა

18 მაისს საქართველოს წიგნის გამომცემელთა და გამავრცელებელთა ასოციაცია თბილისის წიგნის XII საერთაშორისო ფესტივალს გახსნის. ფესტივალი ფილარმონიაში საქართველოს კულტურის, ძეგლტა დაცვისა და სპორტის სამინისტროსა და ქალაქ თბილისის მერიის მხარდაჭერით 21 მაისის ჩათვლით გაგრძელდება

81 წლის ასაკში ქართველი პოეტი მუხრან მაჭავარიანი გარდაიცვალა. იგი რუსთაველის თეატრში პოეტის ფრიდონ ხალვაშის საღამოზე სიტყვით გამოდიოდა, როდესაც გულის შეტევა დაემართა. ექიმებმა მისი გადარჩენა ვერ შეძლეს

დღეს, 16 მაისს, მართლმადიდებელი ეკლესია პირველი მსოფლიო კრების წმინდა მამათა კვირას აღნიშნავს. ამ დღესთან დაკავშირებით, 09:00 საათზე სრულიად საქართველოს კათალიკოს-პატრიარქი, უწმინდესი და უნეტარესი ილია II ყოვლადწმინდა სამების საპატრიარქო ტაძარში წირვას შეასრულებს.
პირველ მსოფლიო კრების მამათა ხსენება _ კრება შედგა 325 წლის ივნისში ქ. ნიკეაში (ამჟამად ქ. იზნიკი - მდებარეობს თურქეთის ტერიტორიაზე). კრება 2 თქვეზე მეტხანს გაგრძელდა. მასზე ქრისიტიანული ეკლესიის ისტორიაში მეტად მნიშვნელოვანი გადაწყვეტილებები მიიღეს

15 მაისს თბილისში გამართული ნორჩ მეცნიერთა და გამომგონებელთა საერთაშორისო ოლიმპიადა ფინალისტთა დაჯილდოებით დაიხურება.
საერთაშორისო კონკურსში, რომელიც საქართველოში ტარდება, 30-მდე ქვეყნის VII-XII კლასების მოსწავლეები მონაწილეობენ. მათ მიერ წარმოდგენილ მათემატიკის, ფიზიკის, ქიმიის, ბიოლოგიის, ინფორმატიკის, ეკოლოგიის, აგრეთვე სამრეწველო და საყოფაცხოვრებო ტექნიკის სფეროებში მომზადებულ პროექტებს კომპეტენტური ჟიური შეაფასებს და გამარჯვებულებს გამოავლენს