12-14 მარტს, სახელმწიფო უნივერსიტეტების სტუდენტური თვითმმართველობების ორგანიზებით და თბილისის მერიის მხარდაჭერით, გუდაურში გაიმართება ჩემპიონატი სამთო-სათხილამურო სპორტში სტუდენტურ თვითმმართველობებს შორის. მასში მონაწილეობს 7 სახელმწიფო და 3 კერძო უნივერსიტეტი (თსუ, თსსუ, ილიას უნივერსიტეტი, ტექნიკური უნივერსიტეტი, სოხუმის უნივერსიტეტი, თეუსუ, აგრარული უნივერსიტეტი, შავი ზღვის საერთაშორისო უნივერსიტეტი, სეუ, სდასუ)

გამოცდების ეროვნული ცენტრი საგამოცდო ნაშრომების გამსწორებელთა კონკურსს 15 მარტიდან დაიწყებს. 2010 წლის ერთიანი ეროვნული გამოცდებისთვის ქართული ენისა და ლიტერატურის, მათემატიკის, ისტორიისა და გეოგრაფიის გამსწორებლები შეირჩევიან.
კონკურსის შედეგად საგამოცდო საგნების 379 გამსწორებელი საქართველოს 18 ქალაქიდან და რაიონიდან შეირჩა (ქუთაისი, საგარეჯო, წალენჯიხა, რუსთავი, ხულო, ახალციხე, ხონი, ოზურგეთი, ბათუმი, ბაღდათი, ზესტაფონი, ბორჯომი, თიანეთი, თელავი, გორი, ხაშური, მცხეთა, თბილისი)

სასტუმრო "შერატონ მეტეხი პალასში" ეროვნული ბანკის პრეზიდენტი გიორგი ქადაგიძე საქართველოში მოქმედი სადაზღვევო კომპანიების ხელმძღვანელებს შეხვდა და სადაზღვევო საქმიანობაზე სახელმწიფო ზედამხედველობის ფუნქციაზე ისაუბრა.
მისი თქმით, 2009 წლის 1-ლი დეკემბრიდან, მას შემდეგ რაც ძალაში შევიდა ახალი ორგანული კანონი "ეროვნული ბანკის შესახებ" სადაზღვევო საქმიანობაზე სახელმწიფო ზედამხედველობის ფუნქცია საქართველოს ეროვნულ ბანკს დაეკისრა

საქართველოს ტექნიკური უნივერსიტეტის მცირე სააქტო დარბაზში usaid-ის ქვეკონტრაქტორი ფირმის winrock internacionale-ის პროექტის _ “თანამედროვე ენერგოეფექტური ტექნოლოგიებისა და განათების ინიციატივა” _ პრეზენტაცია გაიმართა. მათ თავიანთი საქმიანობა ტექნიკურ უნივერსიტეტში ჩატარებული სამუშაოს მაგალითზე წარმოადგინეს.
შეხვედრას ესწრებოდნენ როგორც ტექნიკური უნივერსიტეტის ადმინისტრაციის, ასევე, აღნიშნული ფირმის წარმომადგენლები

12 მარტს, 15:00 საათზე, განათლების განვითარების აკადემია (AED) ივანე ჯავახიშვილის სახელობის თბილისის სახელმწიფო უნივერსიტეტთან არსებული ეკონომიკის საერთაშორისო სკოლის (ISTT) საკონფერენციო დარბაზში (ზანდუკელის ქ. N16) აწყობს პრეზენტაციას. პრეზენტაცია შეეხება განათლების განვითარების აკადემიის (AED) მიერ USAID/საჯარო სამსახურის რეფორმის პროგრამის განხორციელების შედეგების გაცნობას. წარმოდგენილი იქნება ეკონომიკის საერთაშორისო სკოლასთან ერთად (ISCT) საქართველოში ეფექტიანი მარვის საკითხებზე ჩატარებული კვლევის შედეგები და საჯარო პოლიტიკის საკითხებზე გამოცემული პუბლიკაცია "ეფექტიანი მართვის გამოწვევები საქართველოში"

მსოფლიოს ერთ-ერთი უდიდესი როკჯგუფის, Uriah Heep-ის თბილისური კონცერტი, შესაძლოა, DVD-ზე გამოიცეს. ინფორმაციას ამის შესახებ საპრომოუტერო კომპანია "ლოკომოტივ პრომოუშენი" ავრცელებს. როგორც კომპანიის ხელმძღვანელები აცხადებენ, ჯგუფის მენეჯერმა თავად შესთავაზა მათ თბილისური ვიზიტისა და კონცერტის ვიდეოვერსიის გადაღება. ვიდეომასალა ინგლისში გაიგზავნება, მას სპეციალისტები დაამუშავებენ და მსოფლიო მასშტაბით გამოიცემა ოფიციალურ დისკზე, სახელწოდებით Live In Tbilsi

დღეს, 9 მარტს, 18:00 საათზე, კინომსახიობთა თეატრის ფოიეში გაიმართება პრესკონფერენცია მიხეილ თუმანიშვილის სახელობის კინომსახიობთა თეატრისა და სანდრო ახმეტელის სახელობის დრამატული თეატრის ერთობლივი პროექტის შესახებ.
12 მარტს მიხეილ თუმანიშვილის სახელობის კინომსახიობთა თეატრში წარმოდგენილი იქნება პრემიერას ლალი კეკელიძის პიესისა "იქ, სადაც ჩემი სახლია...~ (რეჟისორი _ ლალი კეკელიძე). სპექტაკლი 13 და 14 მარტსაც იქნება წარმოდგენილი

კომპანია "აუდიმ" მოდელ RS5-ის შესახებ ოფიციალური ინფორმაცია გაავრცელა. სიახლეს 4,2-ლიტრიანი ატმოსფერული, 8-ცილინდრიანი ძრავა აქვს, რომელიც მას კუპესგან - R8 - ერგო. მოტორი 420-იდან 450 ცხ.ძ-მდეა ფორსირებული და S-tronic-ის სიჩქარის გადაცემათა წინასელექციური 7-საფეხურიანი კოლოფით მუშაობს.

მზის ელემენტებზე მომუშავე მსოფლიოში ყველაზე დიდი იახტა გერმანიის ქალაქ კილის ვერფში წარადგინეს.
31-მეტრიანი ხომალდი შვეიცარიული საკონსტრუქტორი ბიურო ”PlanetSolar”-ის პროექტის მიხედვით აიგო. მომავალ წელს ეს კატამარანი, რომელიც ამჟამად მზის ენერგიაზე მომუშავე ერთადერთი ხომალდია, დედამიწის გარშემო 140-დღიან მოგზაურობას დაიწყებს, იტყობინება dpa.

1956 წლის 9 მარტს თბილისში დატრიალებული ტრაგიკული მოვლენების შემდეგ 54 წელი გავიდა.
საბჭოთა კავშირის კომუნისტური პარტიის მე-20 ყრილობაზე კომუნისტური პარტიის გენერალური მდივნის, ნიკიტა ხრუშჩოვის მოხსენებამ პიროვნების (სტალინის) კულტის შესახებ, საბჭოთა კავშირის მილიონობით მოქალაქე შეაშფოთა. განსაკუთრებული რეაქცია ხრუშჩოვის გამოსვლას საქართველოში მოჰყვა