ექსპერტთა ნაწილი მიიჩნევს, რომ სამხედრო სფეროში რევოლუცია ახლოვდება. ჩაანაცვლებს თუ არა ჯარისკაცს საბრძოლო რობოტი? _ მომავლის მებრძოლი რობოტების შემქნელები ამ კითხვაზე დადებითად პასუხობენ.
მათი განცხადებით, მომავალში შესაძლებელი გახდება ბრძოლა მანქანების არმიით, რომლებიც ომის ყველა კანონს დაიცავენ და რომელთა წყალობითაც ეს ომი გაცილებით უსაფრთხო გახდება ადამიანებისთვის

გლაზგოში პირველი წარუმატებელი მცდელობის შემდეგ ამფიბია-ავტობუსების გამოცდა გრძელდება. ამფიბია-ავტობუსებს მოძრაობა შეუძლიათ როგორც ხმელეთზე, ასევე - წყალში.
”ამფიბუსის” პირველი საცდელი ჩაშვების დროს, მდინარე კლაიდის გადაცურვისას, კორპუსს დამცავი საჰაერო ბალიში მოსძვრა.
700 ათასი გირვანქა სტერლინგის ღირებულების ავტობუსი ნიდერლანდში შექმნეს. ის 45 მგზავრს იტევს.

კომპანია Google თავისი კონკურენტის, სოციალურ ქსელ Facebook-ის ნეიტრალიზაციის მიზნით, ახალ პროექტს ამზადებს. ამის შესახებ ინფორმაციას Financial Times-ი ავრცელებს. ცნობილია, რომ Facebook -მა მობილური ინტერნეტის მომხმარებელთა შორის პოპულარობით გაუსწრო Google-ს

კანადურმა კომპანია ”DeanMark”-მა კომპიუტერის თაგვი ”AirMouse” შექმნა, რომელსაც, წინა მოდელებისგან განსხვავებით, ჩვეულებრივი მანიპულატორი არ გააჩნია, _ წერს ”Gizmag”. ”AirMouse” ხელთათმანის მსგავსად უნდა ჩაიცვათ. თაგვი მაჯასა და ორ თითზე მაგრდება.
უკაბელო მოწყობილობა მოძრაობის აღსაქმელად ლაზერს იყენებს და დამუხტვის გარეშე მუშაობა ერთი კვირის განმავლობაში შეუძლია

კომპანია, რომელიც მობილური კავშირების უსაფრთხოების სფეროში მუშაობს, იმ კომპიუტერული ვირუსების სახეობების მომრავლების შესახებ საუბრობს, რომლებიც სპეციალისტებს შორის ”diallers”-ის სახელითაა ცნობილი. ეს კომპიუტერული ვირუსები მობილური ტელეფონის ოპერატიულ სისტემაში აღწევენ და ტელეფონის მფლობელის ნებართვის გარეშე სხვადასხვა ნომერს უკავშირდებიან, რის შედეგადაც ტელეფონის მფლობელს უზარმაზარი თანხა ედება ვალად, რომლის ანაზღაურების შემთხვევაშიც, მისი ნაწილის ხელში ჩაგდებას დამნაშავეები ახერხებენ

კომპანია LG-მ მსოფლიოში ყველაზე თხელი თხევადკრისტალური ტელევიზორები წარმოადგინა, რომლებსაც FullHD აქვს, _ იუწყება Tom's Hardware. მათი ეკრანების დიაგონალია 42 და 47 დიუმი, კორპუსის სისქე - 5,9 მილიმეტრი. LG-ის ზეთხელი თხევადკრისტალური ტელევიზორების ეკრანების განახლების სიხშირე 120 ჰერცია. 42-დიუმიანი მოდელი 6.1 კილოგრამს იწონის, ხოლო 47-დიუმიანი - 7,3 კილოგრამს

კომპანია ”Google”-მა საზოგადოებას ახალი მობილური ტელეფონი _ ”NexusOne” წარუდგინა. პრეზენტაცია, რომელზე დასწრებაც მხოლოდ მოსაწვევებით იყო შესაძლებელი, კალიფორნიაში, კომპანიის სათავო ოფისში გაიმართა

2010 წლის ოქტომბერში კონცერნი "დაიმლერი" "მერსედესის" მარკის პირველ ელექტრომობილს გამოუშვებს. 2012 წლისთვის კი იგეგმება ელექტრომობილ SMART-ის სერიული წარმოება. პირველი ელექტრომობილები წარმოებული იქნება რაშტატში A კლასის კომპაქტური მერსედეს-ბენცის ბაზაზე

კომპანია "ოლპსმა", რომელიც 100 დოლარის ღირებულების ნოუთბუქის პროექტზე მუშაობს, განვითარებადი ქვეყნების ბავშვებისთვის მიკროკომპიუტერის დიზაინი გამოიგონა.

იაპონურმა კომპანია ”პაპალაბმა” შექმნა ციფრული კამერა YC-3300, რომელიც ფერებს ადამიანივით აღიქვამს. კამერას ციფრული არქივების ფოტოგადაღებისთვის, მედიცინისა და პოლიგრაფიის სფეროში გამოიყენებენ