დღეს, 15 სექტემბერს, თბილისის საკრებულოს შენობაში ლიტერატურულ კონკურს "გალას" ჟიურის პრეზენტაცია გაიმართება. როგორც თბილისის საკრებულოში აცხადებენ, საკრებულომ ლიტერატურული კონკურსისთვის მზადება უკვე დაიწყო. ჟიური წელს ახალი შემადგენლობით დაიწყებს მუშაობას.
"გალას" გამარჯვებულებს 5-კაციანი ჟიური გამოავლენს, რომლის შემადგენლობაში არიან: ნინო ქაჯაია (მთარგმნელი), დიმიტრი ერისთავი (მხატვარი), ზურაბ სამადაშვილი (მწერალი), ლაშა იმედაშვილი (მწერალი) და მამუკა ხერხეულიძე (მწერალი)

წმინდა სინოდი აკაკი წერეთლის წმინდანად შერაცხვის საკითხს განიხილავს. ამ ეტაპზე საპატრიარქო ქართველი პოეტისა და საზოგადო მოღაწვის ცხოვრების ამსახველ ფოტოებს სწავლობს. წმინდა სინოდის მიერ მიღებული გადაწყვეტილება რამდენიმე თვეში გახდება ცნობილი.
აკაკი წერეთლის საეკლესიო ცხოვრების შესახებ არსებული მასალა საპატრიარქოს პოეტის სახელობის სახლ-მუზეუმის დირექტორმა გადაუგზავნა. აღნიშნული მასალა აკაკი წერეთლის მშობლიურ სოფელ სხვიტორში რამდენიმე თვის განმავლობაში მუშავდებოდა და ის საქართველოს საპატრიარქომ ერთი თვის წინ მიიღო. პოეტის მშობლიურ სოფელში მიიჩნევენ, რომ აღნიშნული საკითხი წმინდა სინოდმა დადებითად უნდა გადაწყვიტოს

15 სექტემბერს საქართველოს ყველა სკოლაში სწავლა იწყება. 14 სექტემბერს განათლებისა და მეცნიერების მინისტრმა დიმიტრი შაშკინმა "პრაიმ ტაიმის" ოფისში გამართულ სპეციალურ ბრიფინგზე ჟურნალისტებს 2010-2011 სასწავლო წლის სიახლეები გააცნო.
შაშკინის განცხადებით, ტრიმესტრების ნაცვლად, სკოლებში სასწავლო წელი სემესტრებად დაიყოფა, იცვლება შეფასების სისტემა. ამიერიდან, ექვსის ნაცვლად ბავშვები სამი კომპონენტით შეფასდებიან - საშინაო დავალება, საკლასო დავალება და შემაჯამებელი. მინისტრის განცხადებით, ახალი სასწავლო წლიდან თბილისისა და ბათუმის ყველა სკოლაში სერთიფიცირებული მანდატურები შევლენ. წლის ბოლომდე კი ზუგდიდის, რუსთავის, ქუთაისისა და გორის სკოლებს მოიცავენ

დღეს, 14 სექტემბერს, ნავთობის ექსპორტიორ ქვეყანათა ორგანიზაციის (ოპეკის) დაარსებიდან 50 წელი შესრულდა. ოპეკი 1960 წლის 14 სექტემბერს დაარსდა.
ნავთობის ექსპორტიორ ქვეყანათა ორგანიზაცია, შემოკლებით ოპეკი (ინგლ. Organization of the Petroleum Exporting Countries, OPEC) კარტელი, რომელშიც შედიან ნავთობმწარმოებელი ქვეყნები ალჟირი, ანგოლა, ინდონეზია, ირანი, ერაყი, კუვეიტი, ლიბია, ნიგერია, ყატარი, საუდის არაბეთი, არაბეთის გაერთიანებული საამიროები, ეკვადორი და ვენესუელა. 1965 წლიდან ოპეკის საერთაშორისო შტაბბინა ავსტრიაში, ვენაშია

სტეფანწმინდაში ალპური ეკოლოგიის ინსტიტუტი გაიხსნა. საქართველოს განთლებისა და მეცნიერების მინისტრმა, დიმიტრი შაშკინმა, ბუნებრივი რესურსებისა და გარემოს დაცვის მინისტრ გოგა ხაჩიძესთან და ილიას სახელმწიფო უნივერსიტეტის რექტორ გიგი თევზაძესთან ერთად სტეფანწმინდაში ალპური ეკოლოგიის ინსტიტუტი ოფიციალურად გახსნა.
სამინისტროს ინფორმაციით, ილიას სახელმწიფო უნივერსიტეტის სტეფანწმინდის ალპური ეკოლოგიის ისტიტუტი კვლევითი ცენტრია, სადაც სხვადასხვა დარგის მეცნირებისთვის მუშაობისა და კვლევის თანამედროვე პირობებია შექმნილი

დღეს, 12 სექტემბერს (ძვ. სტ. 30 აგვისტოს), ქართველი მწერლის, პოეტის, პუბლიცისტისა და კრიტიკოსის, პოლიტიკური და საზოგადო მოღვაწის, ეროვნულ-განმათავისუფლებელი მოძრაობის ლიდერის, ილია ჭავჭავაძის მკვლელობიდან 103 წელი შესრულდა. 1907 წლის 30 აგვისტოს თბილისიდან საგურამოსკენ მიმავალ ილიასა და ოლღას წიწამურთან ექვსკაციანი ჯგუფი დაესხა თავს. თავდამსხმელებმა ილია მოკლეს და მიიმალნენ

2010 წლის ერთიანი ეროვნული გამოცდების საბოლოო შედეგები გამოქვეყნდა. 2010 წლის ერთიანი ეროვნული გამოცდების შედეგად საქართველოს აკრედიტებული უმაღლესი სასწავლებლების სტუდენტი 25381 ათასი აბიტურიენტი გახდა, მათგან 3276 უმაღლესი პროფესიული პროგრამების.
2085 აბიტურიენტი მეორადი ჩარიცხვების შედეგად გახდა სტუდენტი – პირველადი ჩარიცხვებით რეგისტრირებული 36 ათასზე მეტი აბიტურიენტიდან სტუდენტი გახდა 23296

11 სექტემბერს იოანე ნათლისმცემლის თავის კვეთის დღე აღინიშნება. საქართველოს კათალიკოს-პატრიარქი, უწმიდესი და უნეტარესი, ილია II ყაზბეგში, მშობლიურ სოფელ სნოში იმყოფება. პატრიარქი დარიალის ხეობაში არსებულ წმ. იოანე ნათლისმცემლის სახელობის სახელობის ნატაძრალზე, ღია ცის ქვეშ, საღმრთო ლიტურგიას აღავლენს.
პატრიარქმა უკვე მოილოცა სტეფანწმინდისა და ხევის ეპარქიებში არსებული ტაძრები, სოფელ ახალციხის ღვთისმშობლის სახელობის ეკლესიაში კი პარაკლისი გადაიხადა

საქართველოს განათლებისა და მეცნიერების მინისტრმა დიმიტრი შაშკინმა რამდენიმე მასწავლებელს, რომელთაც წარმატებით გაიარეს სასერთიფიკატო გამოცდები, სერთიფიკატები და პერსონალური კომპიუტერები გადასცა.
შაშკინმა პედაგოგებს, რომელთაც ცოდნის მაღალი დონე აჩვენეს, მადლობა გადაუხადა და წარმატებები უსურვა

ქართველმა მკითხველმა ერთი უჩვეულო წიგნი მიიღო. თვით წიგნის შინაარსში, ფორმასა და დიზაინში უჩვეულო არაფერია. ეს არის ინტელექტუალური ლიტერატურის მოყვარული მკითხველისთვის კარგად ცნობილი მწერლის – დათო ბარბაქაძის – ორი რომანისგან, ესეებისგან, წერილებისგან, დიალოგებისგან და ლიტერატურული ნარკვევებისგან შემდგარი ვეებერთელა, თითქმის 800-გვერდიანი წიგნი, სახელწოდებით “მცირე პროზა 1990-2010“. წიგნში შესულია მწერლის ყველაზე უფრო გახმაურებული ნაწარმოები “ტრფობა წამებულთა“ და ბევრი სხვა ნაცნობი ტექსტი. მაგრამ უჩვეულო ის არის, რომ წიგნის ტირაჟი სულ ორი ეგზემპლარია და ორივე ძვირადღირებული ეგზემპლარი ავტორმა საქართველოს ეროვნულ ბიბლიოთეკას გადასცა საჩუქრად