26 ივნისი წამების მსხვერპლთა მხარდაჭერის საერთაშორისო დღეა. ამ დღესთან დაკავშირებით, თბილისში, სასტუმრო “შერატონ მეტეხი პალასში”, საქართველოს სახალხო დამცველის ოფისი და წამების მსხვერპლთა რეაბილიტაციის ცენტრი “ემპათია”, თემაზე “ერთობლივად წამების წინააღმდეგ” საქართველოში, მე-5 კონფერენციას გამართავენ. ღონისძიებაზე ხელი მოეწერება დეკლარაციას “ერთობლივად წამების წინააღმდეგ”, რომელიც გაეგზავნება საქართველოს პრეზიდენტს, პარლამენტის თავმჯდომარესა და პრემიერ-მინისტრს

25 ივნისს სასტუმრო “ქორთიარდ მარიოტში” სტუდენტური კონფერენცია გაიმართება. კონფერენცია ორგანიზებულია გაეროს განვითარების პროგრამისა და სასჯელაღსრულების სამინისტროს იურიდიული დახმარების სამსახურის მიერ.
როგორც გაეროს განვითარების პროგრამის წარმომადგენლები აცხადებენ, კონფერენციაზე წარმოდგენილი იქნება 2010 წლის აპრილ-მაისში ჩატარებულ კონკურსში - "დემოკრატიულ საზოგადოებაში მართლმსაჯულების ხელმისაწვდომობისა და საქართველოს იურიდიული დახმარების სამსახური" - გამარჯვებული თემები

გურჯაანის რაიონის სოფელ ახაშენში, სვეტიცხოვლის სახელობის ერთნავიანი დარბაზული ეკლესიის საკურთხეველში, ღვთისმშობლის ფრესკა აღმოჩნდა. ეკლესია მე-15-16 საუკუნის ძეგლია. ამის შესახებ “კახეთის საინფორმაციო ცენტრში” აცხადებენ. როგორც კახეთის საინფორმაციო ცენტრს გურჯაანის მუნიციპალიტეტის გამგეობის კულტურის სამსახურის სპეციალისტმა თამაზ მარკოზაშვილმა განუცხადა, ფრესკა მეცნიერულ შესწავლას და გამოკვლევას საჭიროებს

საქართველოს პრეზიდენტმა მიხეილ სააკაშვილმა იაპონიის უმაღლეს ლიგაში მოღვაწე ქართველი სუმოისტი ლევან ცაგურია ბრწყინვალების საპრეზიდენტო ორდენით დააჯილდოვა.
ცაგურია პირველი ქართველი სპორტსმენია, რომელმაც აღნიშნული ჯილდო მიიღო. ქართველის სუმოისტი იაპონიიდან თბილისში სპეციალურად ამ ჯილდოს მისაღებად ჩამოვიდა

კომპანია Hammacher Schlemmer-მა 3D-კამერა 3D-ეკრანით გაამდიდრა. აპარატს სამმეგაპიქსელიანი მატრიცა აქვს, რომელიც 640X480 პიქსელის ვედეოგამოსახულების გადაღების საშუალებას იძლევა. კამერას ახლავს 3,25- დიუმიანი 3D-ეკრანი, რომელსაც შეუძლია სტერეოგამოსახულების სპეციალური სათვალის გარეშე ჩვენება

23 ივნისს, 15:00 საათზე, მიხეილ თუმანიშვილის სახელობის კინომსახიობთა თეატრში აფხაზეთის განათლებისა და კულტურის სამინისტრო და საქველმოქმედო ჰუმანიტარული ცენტრი "აფხაზეთი" შეზღუდული შესაძლებლობების მქონე ბავშვების ფოტოგამოფენას გამართავს.
ასევე დაგეგმილია აფხაზეთიდან და ცხინვალის რეგიონიდან დევნილი ბავშვების ნახატების გამოფენა-გაყიდვა

საქართველოს ტექნიკურ უნივერსიტეტში ფლორენციის რომულადო დელ ბიანკოს ფონდსა და სტუ-ს შორის მემორანდუმს მოეწერა ხელი. სტუ-ის მხრიდან მემორანდუმს ხელი მოაწერეს სტუ-ის რექტორმა, პროფესორმა არჩილ ფრანგიშვილმა და არქიტექტურის, ურბანისტიკის და დიზაინის ფაკულტეტის დეკანმა, პროფესორმა გოჩა მიქიაშვილმა, ხოლო ფონდის მხრიდან ფონდის პრეზიდენტმა პაოლო დელ ბიანკომ. მემორანდუმის ხელმოწერას ესწრებოდნენ ფონდის გენერალური მდივანი სიმონე ჯიომეტი, ტექნიკური უნივერსიტეტის ადმინისტრაციისა და ფაკულტეტების წარმომადგენლები. მემორანდუმის ხელმოწერამდე ტექნიკური უნივერსიტეტის არქიტექტურის, ურბანისტიკის და დიზაინის ფაკულტეტის ვიდეოკლიპების პრეზენტაზია გაიმართა

1-ელ ივლისს, საქართველოს ტექნიკური უნივერსიტეტის საერთაშორისო ურთიერთობათა და სტანდარტების სამსახურის ინიციატივით, ეწყობა ტრენინგი თემაზე “ევროკომისიის ჩარჩო პროგრამების გაცნობა ევროპელი ექსპერტების მონაწილეობით”. ტრენინგის მიზანია, უნივერსიტეტის საზოგადოებასა და დაინტერესებულ პირებს გააცნოს საერთაშორისო ფონდების საქმიანობა, მათთან თანამშრომლობის ახალი შესაძლებლობები, მათ შორის, ევროკომისიის პროექტების მომზადება, სააპლიკაციო ფორმების შედგენა და სხვა

24-25 ივნისს თბილისში, "დიდუბე პლაზაში", გაიმართება რეგიონალური კონფერენცია "ელექტრონული სწავლება კავკასიაში - 2010".
როგორც ღონისძიების ორგანიზატორები აცხადებენ, "ელექტრონული სწავლება კავკასიაში - 2010" InWent-ის (კვალიფიკაციის ამაღლების საერთაშორისო გერმანული ორგანიზაცია) მიერ წარმატებით განხორციელებული ერთ-ერთი პროექტის ნაწილია და მას გერმანიის ეკონომიკური თანამშრომლობისა და განვითარების ფედერალური სამინისტრო აფინანსებს

iPhone-ის მეოთხე მოდელი რეკორდული ტემპით იყიდება. კომპანია Apple-ის ახალი სმარტფონები iPhone 4 პირველივე დღეს წარმატებით გაიყიდა. კომპანიის მესვეურებს მობოდიშებაც კი მოუხდათ, რადგან მზარდი ინტერესის გამო, გაიჭედა ოპერატორ AT&T-ის ვებგვერდი, რომელსაც აშშ-ში iPhone-ის გაყიდვის ექსკლუზიური უფლება აქვს. საგულისხმოა, რომ პირველსავე დღეს საიტზე შეკვეთის გაკეთება 13 მილიონზე მეტმა ადამიანმა მოინდომა