17 ივნისს, ბათუმის შოთა რუსთაველის სახელობის სახელმწიფო უნივერსიტეტში, თსუ-ის ინიციატივით, "ვეფხისტყაოსნის" საჯარო კითხვა მოეწყობა. წლევანდელი ღონისძიების დევიზია: "ჩვენ, კაცთა, მოგვცა ქვეყანა, გვაქვს უთვალავი ფერითა."
"ვეფხისტყაოსნის" კითხვაში მონაწილეობას ნებისმიერი მსურველი მიიღებს: სტუდენტები, მათ შორის - საქართველოს ტექნიკური უნივერსიტეტის, სკოლის მოსწავლეები, საკანონმდებლო და აღმასრულებელი ხელისუფლების წარმომადგენლები, დამსვენებლები, თბილისიდან და სხვა რეგიონებიდან ჩასული სტუმრები

16 ივნისს, 13:30 საათზე, საქართველოს ტექნიკური უნივერსიტეტის ადმინისტრაციული კორპუსის საკონფერენციო დარბაზში სისხლის სამართლის ახალი საპროცესო კოდექსის განხილვა გაიმართება. ამის შესახებ საქართველოს ტექნიკური უნივერსიტეტის სამართლის დეპარტამენტის იურიდიული კლინიკის ხელმძღვანელმა, გიორგი მთიულიშვილმა განაცხადა. მისი ინფორმაციით, სტუმრობას წინ უძღოდა უნივერსიტეტის სამართლის დეპარტამენტის იურიდიული კლინიკის ინიციატივა

საქართველოს განათლებისა და მეცნიერების მინისტრის მოადგილე ირინე ქურდაძე და მასწავლებელთა პროფესიული განვითარების ცენტრის დირექტორი გია მამულაშვილი თბილისის 187-ე საჯარო სკოლაში საინფორმაციო ტექნოლოგიებში პედაგოგთა ტრენინგის მიმდინარეობას გაეცნენ. გადამზადებაში დედაქალაქის რამდენიმე საჯარო სკოლის მასწავლებელი მონაწილეობდა

საქართველოს ტექნიკურ უნივერსიტეტს იტალიური კონცერნის, “პედროლოს“ ხელმძღვანელი, ცნობილი იტალიელი ბიზნესმენი, საზოგადო მოღვაწე, გამომგონებელი, დიპლომატი და მეცენატი სილვანო პედროლო, მისი მოადგილე რობერტო რეჯანი და ცნობილი ჟურნალისტი ფრანკო რუფო ეწვივნენ.
იტალიელ სტუმრებს შეხვდნენ სტუ-ის რექტორი, პროფესორი არჩილ ფრანგიშვილი, საქართველოს ტექნიკური უნივერსიტეტის ადმინისტრაციის წარმომადგენლები. სტუ-ის ადმინისტრაციულ კორპუსში არსებულ შეხვედრების ოთახში (ე. წ. meeting room-ში) სპეციალურად სტუმრებისთვის გაიმართა ტექნიკური უნივერსიტეტის სამეცნიერო მიღწევების ამსახველი ფილმის ჩვენება, რომლის დასრულების შემდეგ სტუმრები ესაუბრნენ სტუ-ის აკადემიური საბჭოს წევრებს, მეუფე ანანია ჯაფარიძეს, პროფესორ-მასწავლებლებსა და სტუდენტებს

15-18 ივნისს ბათუმის ილია ჭავჭავაძის სახელობის სახელმწიფო დრამატულ თეატრში სახალხო თეატრების საერთაშორისო ფესტივალი "ბათუმი 2010" გაიმართება.
საქართველოს ფოლკლორის სახელმწიფო ცენტრის ინიციატივით და აჭარის კულტურისა და სპორტის სამინისტროს მხარდაჭერით 2008 წელს აღდგა სახალხო თეატრების კვირეული. 2010 წელს დაფუძნდა სახალხო თეატრების საერთაშორისო ფესტივალი "ბათუმი 2010"

14 ივნისს ქართველი კინომსახიობის, ნატო ვაჩნაძის დაბადებიდან 106 და გარდაცვალებიდან 57 წელი შესრულდა. ნატო ვაჩნაძე 1904 წლის 14 ივნისს ვარშავაში დაიბადა და 1953 წლის 14 ივნისს, თავისივე დაბადების დღეზე, ავიაკატასტროფის დროს გარდაიცვალა.
18:30 საათზე საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის დავით არსენიშვილის საგამოფენო დარბაზში ნატო ვაჩნაძის ხსოვნისადმი მიძღვნილი გამოფენა გაიმართება

მსოფლიო ბანკის ინიციატივით, საქართველოს გამოცდების ეროვნული ცენტრის პრეზენტაცია ვაშინგტონში გაიმართება. ამის შესახებ მსოფლიო ბანკის ვიცე–პრეზიდენტმა ევროპასა და ცენტრალურ აზიაში ფილიპ ლე რუმ გამოცდების ეროვნულ ცენტრში სტუმრობის შემდეგ განაცხადა.
ფილიპ ლე რუს განცხადებით, საქართველოს ეროვნული გამოცდების ცენტრის გამოცდილება უნიკალურია. ეს არის აბსოლუტურად უნიკალური სისტემა, რომელიც 2005 წლიდან სწორედ მსოფლიო ბანკის დახმარებით შეიქმნა და დაიწყო

12 ივნისს, 16:00 საათზე, გამოცდების ეროვნულ ცენტრს მსოფლიო ბანკის ვიცე-პრეზიდენტი ევროპასა და ცენტრალურ აზიაში, ფილიპ ლე რუ ეწვევა.
მსოფლიო ბანკის ვიცე-პრეზიდენტი საქართველოში ვიზიტის ფარგლებში მოინახულებს ორგანიზაციებს, რომლებიც მსოფლიო ბანკის მხარდაჭერით ახორციელებენ პროექტებს. 12 ივნისს ლე რუ გამოცდების ეროვნულ ცენტრს ეწვევა

11 ივნისს სამხრეთ აფრიკაში ფეხბურთში მე-19 მსოფლიო ჩემპიონატი იწყება. მუნდიალი ზუსტად ერთ თვეს გასტანს და 11 ივლისს დასრულდება.
მსოფლიო ჩემპიონატის მასპინძელი სამხრეთ აფრიკისა და მექსიკის ნაკრები გუნდების შეხვედრით გაიხსნება, რომელიც 11 ივნისს, თბილისის დროით, 18:00 საათზე დაიწყება. აღნიშნული მატჩი სამხრეთ აფრიკის დედაქალაქ იოჰანესბურგში, "სოკერ-სიტის" სტადიონზე გაიმართება. აღსანიშნავია, რომ ამავე სტადიონზე ჩატარდება ჩემპიონატის გახსნის ცერემონიალი და 11 ივლისს გასამართი ფინალური მატჩი

10 ივნისს, 19:00 საათზე, საქართველოს ფოლკლორის სახელმწიფო ცენტრის საგამოფენო დარბაზ "გალერეაში" გაიხსნება ფოტოგამოფენა "გადავარჩინოთ ხევსურული სახლი".
გამოფენაზე წარმოდგენილი ხევსურული სახლების უმეტესობა დანგრევის პირასაა. გამოფენის ორგანიზატორები დამთვალიერებელს გააცნობენ გეგმას, როგორ უნდა გადარჩეს ხევსურული სახლი, მოხდეს რესტავრაცია და ქართულ კულტურას შეუნარჩუნდეს ის განძი და ფენომენი, რომელსაც მსოფლიოში ანალოგი არ მოეპოვება