3-7 მაისს თბილისში იულიხის კვლევითმა ცენტრმა (გერმანია) ქართულ პარტნიორ ინსტიტუტებთან ერთად (ივანე ჯავახიშვილის სახელობის თბილისის სახელმწიფო უნივერსიტეტი, საქართველოს ტექნიკური უნივერსიტეტი და მაღალი ენერგიების ფიზიკის ინსტიტუტი) ორგანიზება გაუკეთა მეოთხე ქართულ-გერმანულ სკოლასა და სემინარს

დღეს, 7 მაისს, 13:00 საათზე, საქართველოს კულტურის, ძეგლთა დაცვისა და სპორტის სამინისტროში გაიმართება ვასილ ამაშუკელის ფილმის "ქართველი მგოსნის აკაკი წერეთლის მოგზაურობა რაჭა-ლეჩხუმში 21 ივლისიდან 2 აგვისტომდე, 1912 წელს” აღდგენილი ვერსიის ჩვენება. ფილმის ხანგრძლივობა 32 წუთია

6 მაისს ქართული მართლმადიდებლური ეკლესია საქართველოში ერთ-ერთ ყველაზე ღირსშესანიშნავ რელიგიურ დღესასწაულს - წმინდა გიორგის ხსენების დღეს, გიორგობას აღნიშნავს.
საქართველოს მართლმადიდებლური ეკელსია წმიდა გიორგის ხსენებას ორჯერ აღნიშნავს: 6 მაისს - წმიდანის აღსრულების დღეს და 23 ნოემბერს - მისი ბორბალზე წამების დღეს. ამ უკანასკნელ დღესასწაულს ქართული ეწოდება, რადგან საქართველოდან გავრცელდა სხვა ადგილობრივ ეკლესიებში

6 მაისს, 16:00 საათზე, კულტურის, ძეგლთა დაცვისა და სპორტის სამინისტროში გაიმართება კონკურსი იტალიის მიერ დაწესებული სტიპენდიისთვის Premio Roma, რომლის გამარჯვებულიც მიიღებს იტალიის მთავრობის სტიპენდიას და კვალიფიკაციის ასამაღლებლად სამთვიან კურსებზე იტალიაში გაემგზავრება

საქართველოს განათლებისა და მეცნიერების მინისტრმა დიმიტრი შაშკინმა და სამინისტროსთან შექმნილი მრჩეველთა საბჭოს ხელმძღვანელმა, აკადემიკოსმა ლევან ალექსიძემ მრჩეველთა საბჭოს სრული ათწევრიანი შემადგენლობა საზოგადოებას საბჭოს პირველ სხდომაზე წარუდგინეს.
მრჩეველთა საბჭო საზოგადოებისთვის ცნობილი და ღვაწლმოსილი პირებისგან დაკომპლექტდა

ტრადიციული მედიცინის ლიგამ ჰომეოპათიისა და ქართული ტრადიციული მედიცინის კლინიკა ”ოჯახის მკურნალი” დააარსა.
კლინიკის დირექტორი, ჰომეოპათიისა და ქართული ტრადიციული მედიცინის ლიგის პრეზიდენტი, ეკოლოგიის მეცნიერებათა აკადემიის ნამდვილი წევრი თორნიკე ალაშვილი მრავალი წელია წარმატებით მუშაობს ქართული ჰომეოპათიის დამკვიდრებისა და განვითარებისთვის

საქართველოს განათლებისა და მეცნიერების სამინისტრო და მასწავლებელთა პროფესიული განვითარების ცენტრი პროგრამებზე _ "ასწავლე საქართველოსთვის" და "კვალიფიციური მასწავლებლები ეთნიკური უმცირესობით დასახლებული რეგიონების სკოლებში" _ კონკურსს აცხადებს. როგორც განათლების სამინისტროში აცხადებენ, კონკურსში მონაწილეობის მიღება შეუძლიათ საგნის სპეციალისტებსა და ქართული ენისა და ლიტერატურის მასწავლებლებს. ამ თემასთან დაკავშირებით საქართველოს განათლებისა და მეცნიერების მინისტრმა დიმიტრი შაშკინმა და მასწავლებელთა პროფესიული განვითარების ცენტრის დირექტორმა გია მამულაშვილმა სამინისტროში ბრიფინგი გამართეს

3 მაისს საქართველოს განათლებისა და მეცნიერების მინისტრი დიმიტრი შაშკინი საქართველოს ტექნიკურ უნივერსიტეტს ეწვია. მინისტრი გაეცნო ტექნიკური უნივერსიტეტის ფაკულტეტების სამეცნიერო ლაბორატორიებში მიმდინარე კვლევებსა და პროფესორ-მასწავლებლების მიერ დანერგილ სამეცნიერო მიღწევებს

დღეს, 4 მაისს, 13:00 საათზე, სტუ-ში გაიმართება ტრადიციული online-სემინარი თემაზე: IT-კომპანიებში არსებული პრაქტიკული საკითხების გადაწყვეტის მეთოდები. სემინარს გაუზგვებიან მოწვეული სპეციალისტები კომპანია “საატეკიდან” – “საატეკის” დირექტორი მირიან ნადარაია და ამავე კომპანიის გენერალური მენეჯერი გიორგი გორდელაძე

მერაბ ბერძენიშვილის სახელობის კულტურის საერთაშორისო ცენტრ “მუზაში“ ქართულ-გერმანული სკოლა-სემინარი გაიხსნა. საბუნებისმეტყველო მეცნიერებებში რიგით მეოთხე საერთაშორისო სემინარი თბილისის სახელმწიფო უნივერსიტეტის ეგიდით იმართება. სემინარში გერმანიის ქალაქ იულიხის კვლევათა ცენტრი და საქართველოს ტექნიკური უნივერსიტეტი მონაწილეობს. მონაწილე მხარეთა შორის ურთიერთთანამშრომლობის ხელშეკრულებაც გაფორმდა. მემორანდუმი მომავალში ერთობლივი პროექტების შემუშავებას შეუწყობს ხელს. იგეგმება ქართველი მეცნიერებისა და სტუდენტების მივლინება გერმანიის ქალაქ იულიხის კვლევათა ცენტრში. გარდა ამისა, ერთობლივი სამეცნიერო ნაშრომები განხორციელდება