გამოცდების ეროვნულ ცენტრში 2010 წლის ერთიან ეროვნულ გამოცდებში მონაწილეთა სააპელაციო განაცხადების შეტანა დასრულდა. ცენტრის ინფორმაციით, ყველაზე მეტი პრეტენზია მათემატიკისა და ქართული ენისა და ლიტერატურის საგამოცდო ნამუშევრების შედეგებზე გამოითქვა

საქართველოში პროექტის "ასწავლე და ისწავლე საქართველოსთან ერთად" ფარგლებში უცხოელი პედაგოგების მეორე ნაკადი ჩამოვიდა. ორმოცდაჩვიდმეტი პედაგოგი საქართველოს ამერიკის შეერთებული შტატებიდან, კანადიდან და ევროპის სხვადასხვა ქვეყნიდან ეწვია. ტრეინინგების გავლის შემდეგ პედაგოგები სამეგრელო-ზემოსვანეთის საჯარო სკოლებში განაწილდებიან, სადაც ახალი სასწავლო წლიდან ადგილობრივ პედაგოგებთან ერთად მოსწავლეებს ინგლისურს გაძლიერებულად შეასწავლიან

14 აგვისტოს ბათუმში საქართველოში პირველი ქვიშის სახეობების სპორტული მოედანი გაიხსნება . ბულვარის გაგრძელებაზე გაშენებულ ახალ რაიონში მოწყობილ ქვიშის არენას პირველები მორაგბეები გახსნიან.
14-15 აგვისტოს ქვიშის რაგბის ტრადიციული ტურნირი გაიმართება, რომელშიც მონაწილეობას მოყვარულ და პროფესიონალ მორაგბეთა 21 გუნდი მიიღებს. ტურნირის გახსნის ცერემონიალს საქართველოს სპორტისა და ახალგაზრდობის საქმეთა მინისტრი ვლადიმერ ვარძელაშვილი და მისი მოადგილეები, გიორგი ავალიანი და დავით ნამგალაური დაესწრებიან

დავით გარეჯის სამონასტრო კომპლექსში დოდოს რქის მონასტერს რეაბილიტაცია უტარდება. სარეაბილიტაციო სამუშაო საქართველოს კათალიკოს-პატრიარქის, ილია II-ის ლოცვა-კურთხევით, შემოწირულობებით მიმდინარეობს

12 აგვისტოს დიდგორის ბრძოლიდან 889 წელი შესრულდა. დიდგორის ბრძოლა ანუ ძლევაჲ საკვირველი 1121 წლის 12 აგვისტოს მოხდა. ეს იყო ქართველთა ბრძოლა დავით IV აღმაშენებლის მეთაურობით თურქ-სელჩუკთა კოალიციური ლაშქრის წინააღმდეგ დიდგორის ველზე, მანგლისის მახლობლად, თბილისის მისადგომებთან.
XI-XII საუკუნეების მიჯნაზე ქართველთა წმინდა მეფის, დავით აღმაშენებლის მიერ გატარებულმა გაბედულმა პოლიტიკამ თანდათან თურქ-სელჩუკებისგან გამოიხსნა დარბეული, გაპარტახებული ქვეყანა: 1092 წელს დავით IV-მ ხარკი შეუწყვიტა სულთანს, შემდეგ შეუდგა ქართული მიწა-წყლის სრული გაერთიანებისთვის ბრძოლას, აიღო ზედაზენი, შემოიერთა კახეთ-ჰერეთი, სამშვილდე, გიში, რუსთავი, ლორე. დამპყრობელთა ხელში თბილისი და დმანისი რჩებოდა

11 აგვისტოს, საქართველოს ეროვნული ნაკრები მოვლდოვასათან ამხანაგურ საფეხბურთო მატჩს გამართავს.
ფეხბურთში საქართველოს ეროვნული ნაკრების მთავარმა მწვრთნელმა, თემურ ქეცბაიამ გუნდის შემადგენლობა 3 აგვისტოს დაასახელა

დღეს, 10 აგვისტოს, ქართველ კომპოზიტორს, საქართველოს სახალხო არტისტ გია ყანჩელს დაბადებიდან 75 წელი შეუსრულდა.
გია ყანჩელი 1935 წლის 10 აგვისტოს თბილისში დაიბადა.1959 წელს დაამთავრა თბილისის სახელმწიფო უნივერსიტეტი გეოლოგის სპეციალობით. დიპლომის აღებისთანავე სწავლა გააგრძელა თბილისის ვანო სარაჯიშვილის სახელობის კონსერვატორიაში, საკომპოზიციო ფაკულტეტზე, რომელიც 1963 წელს დაამთავრა. 1972 წლიდან მუშაობდა შოთა რუსთაველის სახელობის სახელმწიფო აკადემიურ თეატრში მუსიკალური ნაწილის გამგედ. 1979 წელს იგი საქარველოს კომპოზიტორთა კავშირის მდივანი გახდა

სრულიად საქართველოს კათალიკოს-პატრიარქმა, უწმინდესმა და უნეტარესმა ილია მეორემ ყოვლად წმინდა სამების საკათედრო ტაძარში 2008 წლის აგვისტოს ომში დაღუპული ჯარისკაცების სულის მოსახსენიებელი პანაშვიდი გადაიხადა

7 აგვისტოს ლაგოდეხის რაიონის სოფელ ლელიანში მრავალფეროვნების ფესტივალი გამართება.
ფესტივალი კულინარიული ხასიათისა და ლაგოდეხის და ყვარლის რაიონებში მცხოვრები ოსები, აზერბაიჯანელები, ლეკები, უდინები და ქართველები ტრადიციულ კერძებს მოამზადებენ. ღონისძიებაზე ყველა ეთნიკური ჯგუფი საკუთარ ფოლკლორს წარმოადგენს

გამოცდების ეროვნული ცენტრი 9 აგვისტოდან იწყებს სააპელაციო(საპრეტენზიო) განაცხადების მიღებას.განაცხადები მიიღება 14 აგვისტომდე (10:00-დან 18:00 საათამდე):
თბილისში: კოსტავას 77 (სტუ მე–6 კორპ.);
რაიონებში: საგანმანათლებლო რესურსცენტრებში.
პრეტენზიის წარდგენისას აბიტურიენტმა/სტუდენტმა ან მაგისტრანტობის კანდიდატმა თან უნდა იქონიოს:
ა) საგამოცდო-საიდენტიფიკაციო ბარათი;
ბ) პირადობის (ბინადრობის) მოწმობა/პასპორტი;
გ) ტესტის შეფასების თაობაზე საპრეტენზიო განაცხადის განხილვის საფასურის გადახდის დამადასტურებელი ქვითარი;
დ) თუ დოკუმენტი/დოკუმენტები უცხო ენაზეა შედგენილი, ასევე ნოტარიულად დამოწმებული ქართული თარგმანი