არაგვის ხეობაში, ჟინვალის წყალსაცავთან, საქართველოს საპატრიარქოს კურთხევით, ჯვართამაღლების ეკლესიის მშენებლობა დაიწყო. შენობას საძირკველი უკვე ჩაეყარა. საქველმოქმედო პროექტს კომპანია “ჯორჯიან უოთერ ენდ ფაუერი” ახორციელებს. ჯვართამაღლების ეკლესიის მშენებლობა აგვისტოში დასრულდება.
1985 წელს, ჟინვალის კაშხლის მშენებლობის დასრულების შედეგ, წყლის ქვეშ დუშეთის რაიონის რამდენიმე სოფელი და ეკლესია მოექცა, მათ შორის XI-XII საუკუნეებში ნაგები ჯვართამაღლების (ჯვარპატიოსნის) ეკლესია, რომელიც მხოლოდ ზამთრის პერიოდში ჩნდება, როცა წყლის დონე იკლებს

20 ივნისს საქართველო ღვინის სფეროში ერთ-ერთ ყველაზე მასშტაბურ და პრესტიჟულ ღონისძიებას - ვაზისა და ღვინის 33-ე მსოფლიო კონგრესს უმასპინძლებს. კონგრესის მასპინძლობის უფლება მხოლოდ ტრადიციული მეღვინეობის, ადგილობრივი ვაზის ჯიშის და მევენახეობის სხვადასხვა რეგიონის მქონე ქვეყნებს აქვთ. საქართველოში კონგრესზე დასასწრებად 42 ქვეყნიდან 300-ზე მეტი სტუმარი ჩამოვა

დღეს, 20 ივნისს, გაიხსნება IV საერთაშორისო რუსულ-ქართული პოეტური ფესტივალი "პოეზიის სამყარო - სამყარო ომის გარეშე". ფესტივალი ზედიზედ მეოთხედ ტარდება. ორგანიზატორები არიან საერთაშორისო კულტურულ-საგანმანათლებლო კავშირი "რუსული კლუბი" და რუს მწერალთა საერთაშორისო ფედერაცია. მისალმება ფესტივალის მისამართით გაგზავნეს სრულიად საქართველოს კათალიკოს-პატრიარმა ილია II-მ და მოსკოვისა და სრულსად რუსეთის პატრიარქმა კირილემ

საფრანგეთში ბლეზ პასკალის დაბადების დღეს აღნიშნავენ. ფრანგი მათემატიკოსი, ფიზიკოსი, ლიტერატორი, ფილოსოფოსი, მორალისტი, კიბერნეტიკოსი, ალბათობის თეორიის ერთ-ერთი ფუძემდებელი, ჰიდროსტატიკის, როგორც მეცნიერების, ერთ-ერთი დამაარსებელი ბლეზ პასკალი (Blaise Pascal) 1623 წლის 19 ივნისს საფრანგეთის ქალაქ კლერმონში დაიბადა

კომპანია "მაიკროსოფტმა" სათამაშო კონსოლის Xbox 360-ის თხელი ვარიანტი გამოუშვა. დანადგარი აშშ-ის მაღაზიებში მალე გამოჩნდება.
როგორც კომპანიის მესვეურები აცხადებენ, Xbox 360-ის ახალი მოდელის კომპლექტაციაში შედის 250-გიგაბაიტიანი მყარი დისკი.

კომპანია Nintendo-მ ლოს ანჯელესში ახალი პორტატული სათამაშო აპარატი წარმოადგინა, რომლის ეკრანზე სამგანზომილებიანი გამოსახულების ხილვა სპეციალური სათვალის გარეშეა შესაძლებელი.
კონსოლი წარმოდგენილია ორი, ერთმანეთის მიყოლებით განლაგებული ეკრანით. ქვედა ეკრანი ჩვეულებრივი სენსორული დისპლეის ფუნქციას ასრულებს. სამგანზომილებიანი გამოსახულების ეფექტს კი მაყურებელი ზედა ეკრანზე ცქერისას მიიღებს

კორპორაცია "მაიკროსოფტმა" Office 2010-ის პაკეტის საცალო ვაჭრობა დაიწყო. მყიდველთათვის საოფისე პროგრამების პაკეტი ხელმისაწვდომი იქნება 35 ათას მაღაზიასა და საიტზე Office.com.
"მაიკროსოფთმა" პარტნიორული ხელშეკრულება გააფორმა ისეთ წამყვან კომპიუტერულ ფირმებთან, როგორებიცაა: HP, Acer, Asus, Dell და Lenovo. შესაბამისად, მწარმოებლებს საშუალება ექნებათ, Office 2010 ახალ კომპიუტერებსა და ნოუთბუქებში დააყენონ.

კომპანია "ტოშიბამ" რეკორდული მოცულობის ფლეშ-მეხსიერების მოდული წარმოადგინა. 128-გიგაბაიტიანი ჩიპის გამოყენება შესაძლებელი იქნება სმარტფონებზე, პლანშეტურ კომპიუტერებზე და სხვა პორტატულ აპარატებზე.
მოდულის სიგრძე-სიგანე 2,2 და 1.7 სანტიმეტრი, სისქე კი 1,4 მილიმეტრია. მისი სერიული წარმოება უკვე ამ წლის ბოლოდან დაიწყება და 2011 წლის დასაწყისიდან ბაზარზედაც გამოჩნდება

ლიტერატურული კონკურსი „საბას” პირველი ეტაპი დასრულდა _ კონკურსის ჟიურიმ „საბას” წლევანდელი ფინალისტები გამოავლინა. ავტორებისა და გამომცემლობების მიერ კონკურსზე წარმოდგენილი 140 წიგნიდან ფინალურ ეტაპზე 39 საუკეთესო მოხვდა. ივნისის მიწურულს თიბისი ბანკში “საბას” მერვე დაჯილდოება საზეიმოდ გაიმართება. „საბას” პრიზსა და ფულად პრემიებს 2009 წლის საუკეთესო წიგნების ავტორები მიიღებენ

თბილისში, თეატრისა და კინოს სახელმწიფო უნივერსიტეტში, სტუდენტური ფილმების საერთაშორისო ფესტივალი "ამირანი" გაიხსნა.
საზეიმო გახსნის ცერემონიალზე აღინიშნა, რომ ფესტივალში მონაწილეობს 57 ფილმი მსოფლიოს 14 ქვეყნიდან: სამხრეთ აფრიკა, ბულგარეთი, ჩინეთი, კუბა, ესპანეთი, გერმანია, უნგრეთი, ხაზახეთი, ლიბანი, ლიტვა, პოლონეთი, პორტუგალია, უკრაინა და საქართველო